കട്ടപ്പന നഗരസഭ 22-ാം വാർഡിൽ മത്സരിക്കുന്ന യു ഡി എഫ് സ്ഥാനാർത്ഥി ഇ എം ആഗസ്തിയുടെ ഇലക്ഷൻ കമ്മിറ്റി ഓഫീസ് ഉദ്ഘാടനം ചെയ്തു.കോൺഗ്രസ് രാഷ്ട്രീയകാര്യ സമിതി അംഗം ജോസഫ് വാഴക്കൻ ഓഫീസിന്റെ ഉദ്ഘാടനം നിർവഹിച്ചു.

യുഡിഎഫിനെ സംബന്ധിച്ചിടത്തോളം ത്രിതല പഞ്ചായത്ത് തെരഞ്ഞെടുപ്പ് ഏറെ നിർണായകമാണെന്ന് ജോസഫ് വാഴക്കൻ പറഞ്ഞു.വരാൻ പോകുന്ന തദ്ദേശസ്വയംഭരണ തിരഞ്ഞെടുപ്പിൽ യുഡിഎഫിന് മികച്ച വിജയം അനിവാര്യമാണ്. എന്നാൽ മാത്രമേ നിയമസഭാ തിരഞ്ഞെടുപ്പിൽ മികച്ച വിജയം നേടി ഭരണനേതൃത്വത്തിലേക്ക് യുഡിഎഫിന് എത്താൻ കഴിയു എന്നും ജോസഫ് വാഴക്കൻ പറഞ്ഞു .

ഇതിനാലാണ് യുഡിഎഫിന്റെ മുതിർന്ന നേതാക്കളെ അടക്കം രംഗത്തിറക്കി തദ്ദേശ സ്വയംഭരണ തെരഞ്ഞെടുപ്പിനെ നേരിടുന്നതെന്ന് അദ്ദേഹം പറഞ്ഞു. വർഷങ്ങളുടെ പ്രവർത്തന പരിചയമുള്ള നേതാക്കൾ ത്രിതല പഞ്ചായത്തുകളിൽ ജനങ്ങളാൽ തിരഞ്ഞെടുത്ത് അധികാരത്തിൽ എത്തിയാൽ മികച്ച പ്രവർത്തനം കാഴ്ചവയ്ക്കാൻ കഴിയുമെന്നും അദ്ദേഹം പറഞ്ഞു.

20 ഏക്കർ ടൗണിനോട് ചേർന്നാണ് ഇ എം ആഗസ്തിയുടെ ഇലക്ഷൻ കമ്മിറ്റി ഓഫീസ് പ്രവർത്തിക്കുന്നത്.  ഈ ഓഫീസ് കേന്ദ്രീകരിച്ചാണ് 20 ഏക്കർ വാർഡിൻ്റെ യുഡിഎഫിന്റെ തിരഞ്ഞെടുപ്പ് പ്രചരണ പ്രവർത്തനങ്ങൾ  ഏകോപിപ്പിക്കുന്നത്.

ചടങ്ങിന്റെ ഭാഗമായി യുഡിഎഫിന്റെ സ്ഥാനാർത്ഥികളെ ജോസഫ് വാഴക്കൻ ഷാൾ അണിയിച്ച് അനുമോദിച്ചു. ഉദ്ഘാടന ചടങ്ങിൽ യുഡിഎഫിന്റെ കട്ടപ്പനയിലെ മുതിർന്ന നേതാക്കൾ, സ്ഥാനാർത്ഥികൾ, പാർട്ടി പ്രവർത്തകർ തുടങ്ങിയവർ പങ്കെടുത്തു.