തിരഞ്ഞെടുപ്പ്: നാമനിർദേശപത്രിക സമർപ്പണം അവസാനിച്ചു; ജല്ലയിൽ 4257 സ്ഥാനാർഥികൾ,ആകെ 610 നാമനിർദേശ പത്രികകൾ

Nov 22, 2025 - 09:15
 0
തിരഞ്ഞെടുപ്പ്: നാമനിർദേശപത്രിക സമർപ്പണം അവസാനിച്ചു; ജല്ലയിൽ 4257 സ്ഥാനാർഥികൾ,ആകെ 610 നാമനിർദേശ പത്രികകൾ
This is the title of the web page

തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ മത്സരിക്കുന്നതിനുള്ള നാമനിർദേശപത്രിക സമർപ്പണം അവസാനിച്ചു. ജില്ലയിൽ മുനിസിപ്പാലിറ്റി, ജില്ല, ബ്ലോക്ക്, ഗ്രാമ പഞ്ചായത്തുകളിലായി 4257 പേർ സ്ഥാനാർഥികളായി മത്സരരംഗത്തുണ്ട്. ഇതിൽ 2114 പേർ പുരുഷൻമാരും 2143 വനിതകളുമാണ്. ഇതുവരെ ലഭിച്ച കണക്കുകൾ പ്രകാരം ജില്ലയിൽ 6110 നാമനിർദേശ പത്രികകൾ ലഭിച്ചു. ഇതിൽ 3033 എണ്ണം സമർപ്പിച്ചത് പുരുഷൻമാരും 3077 എണ്ണം വനിതകളുടേതുമാണ്. ജില്ലാ പഞ്ചായത്തിലേക്ക് 132 നാമനിർദേശ പത്രികകൾ സമർപ്പിക്കപ്പെട്ടിട്ടുണ്ട്.

Slide 1
Slide 2
Slide 3
Slide 4
Slide 1
Slide 2
Slide 3
Slide 4

നാമനിർദേശപത്രികകളുടെ സൂക്ഷ്‌മപരിശോധന ഇന്ന് ( നവംബർ 22) രാവിലെ 11 മുതൽ ആരംഭിക്കും.

ബന്ധപ്പെട്ട വരണാധികാരികളാണ് നാമനിർദേശപത്രികകളുടെ സൂക്ഷ്‌മപരിശോധന നടത്തുക. നാമനിർദേശ പത്രികകളുടെ സൂഷ്മ പരിശോധനാ വേളയിൽ സ്ഥാനാർഥിക്കൊപ്പം തിരഞ്ഞെടുപ്പ് ഏജൻ്റ്, നിർദേശകൻ എന്നിവർക്കു പുറമേ സ്ഥാനാർഥി രേഖാമൂലം ആവശ്യപ്പെടുന്ന ഒരാൾക്കുകൂടി വരണാധികാരിയുടെ മുറിയിലേക്ക് പ്രവേശനം അനുവദിക്കും. 

 വെള്ളിയാഴ്ച വൈകുന്നേരം മൂന്നു മണി വരെ ലഭിച്ചിട്ടുള്ള എല്ലാ നാമനിർദ്ദേശപത്രികകളും ഓരോന്നായി സൂക്ഷ്മപരിശോധന നടത്തും. ഒരു സ്ഥാനാർഥിയോ, സ്ഥാനാർത്ഥിക്കു വേണ്ടിയോ ഒന്നിലധികം നാമനിർദ്ദേശപത്രിക സമർപ്പിച്ചിട്ടുണ്ടെങ്കിൽ അവയെല്ലാം ഒരുമിച്ചെടുത്തായിരിക്കും പരിശോധിക്കുക. സൂക്ഷ്മപരിശോധനയ്ക്ക് ശേഷം സാധുവായ സ്ഥാനാർത്ഥികളുടെ പട്ടിക വരണാധികാരി തയ്യാറാക്കി പ്രസിദ്ധീകരിക്കും.

സ്ഥാനാർത്ഥിത്വം പിൻവലിക്കാനുള്ള അവസാന തീയതി നവംബർ 24 (തിങ്കൾ) ഉച്ചകഴിഞ്ഞ് 3 വരെയാണ്. പത്രിക പിൻവലിക്കേണ്ട സ്ഥാനാർത്ഥികൾ നേരിട്ടോ നിർദ്ദേശകനെ അധികാരപ്പെടുത്തിയോ ഫോറം 5 പൂരിപ്പിച്ച് വരണാധികാരിക്ക് നേരിട്ട് സമർപ്പിക്കണം.

സ്ഥാനാർത്ഥിത്വം പിൻവലിക്കുന്നതിനുള്ള അവസാന സമയത്തിന് ശേഷം വരണാധികാരികൾ മത്സരിക്കുന്ന സ്ഥാനാർത്ഥികളുടെ പട്ടിക പ്രസിദ്ധീകരിക്കും. വരണാധികാരിയുടെ ഓഫീസിലും ബന്ധപ്പെട്ട പഞ്ചായത്ത്/ നഗരസഭ ഓഫീസിലും മത്സരിക്കുന്ന സ്ഥാനാർത്ഥികളുടെ പട്ടിക പരസ്യപ്പെടുത്തും.

What's Your Reaction?

like

dislike

love

funny

angry

sad

wow