വെള്ളയാംകുടി സെൻ്റ് ജോർജ് പാരീഷ് ഹാളിൽ വെച്ചാണ് റൈസ് പദ്ധതിയുടെ ഈ വർഷത്തെ ഉദ്ഘാടനം നടന്നത്. ഡീൻ കുര്യാക്കോസ് എംപി അധ്യക്ഷത വഹിച്ച സമ്മേളനം പൊതുവിദ്യാഭ്യാസ ഡയറക്‌ടർ എൻ.എസ്.കെ ഉമേഷ് IAS ഉദ്ഘാടനം ചെയ്തു. 

പ്രമുഖ കാർട്ടൂണിസ്റ്റ് അഡ്വ. ജിതേഷ്‌ജി മുഖ്യാതിഥിയായിരുന്നു. ഇടുക്കി രൂപത വിദ്യാഭ്യാസ സെക്രട്ടറി റവ. ഡോ. ജോർജ് തകടിയേൽ, കട്ടപ്പന മുനിസിപ്പൽ ചെയർപേഴ്‌സൺ ബീന ടോമി, മുൻസിപ്പൽ കൗൺസിൽ അംഗങ്ങൾ, വിദ്യാഭ്യാസ ഓഫീസേഴ്‌സ്, വിദ്യാഭ്യാസ സാമൂഹിക സാംസ്കാരിക രംഗത്തെ പ്രമുഖർ തുടങ്ങിയവർ പങ്കെടുത്തു. ഈ വർഷം മുതൽ വൈവിധ്യമാർന്ന പ്രോഗ്രാമുകളാണ് നടപ്പിലാക്കാൻ ഉദ്ദേശിക്കുന്നത്.

ഇടുക്കിയുടെ ടൂറിസം സാധ്യതകൾ, വൈദ്യുതി പാഴാക്കാതിരിക്കാൻ എനർജി ഹീറോ,ദുരന്ത നിവാരണ അവബോധ പരിശീലനം, ഇടുക്കി കപ്പ് ഇന്റർ-സ്‌കൂൾ ഫുട്‌ബോൾ ടൂർണമെൻ്റ്, അക്കാദമിക മികവിന് വിദഗ്‌ധരുടെ ഓൺലൈൻ/ ഓഫ് ലൈൻ ക്ലാസുകൾ, അടിസ്ഥാന റോഡ് സുരക്ഷാ അവബോധ പ്രോഗ്രാം, കായികതാരങ്ങൾക്കായുള്ള വിദഗ്‌ധ സ്പോർട്‌സ് പരിശീലന ക്യാമ്പ്, പാഠ്യ-പാഠ്യേതര രംഗത്ത് മികവ് തെളിയിച്ചവരെ അനുമോദിക്കാൻ പ്രതിഭാ സംഗമം, മികച്ച NSS, NCC, SPC,SCOUT&GUIDE പുരസ്‌കാരം,വിദഗ്‌ധരുടെ നേതൃത്വത്തിൽ കരിയർ ഗൈഡൻസ് പ്രോഗ്രാം എന്നിവയാണ് നടപ്പിലാക്കുന്നത്.