.jpeg)
ഭൂപതിവ് ഭേദഗതി ബില്‍: കര്‍ഷകരുടെ ആശങ്കകള്‍ അകറ്റാന്‍ കഴിഞ്ഞതില്‍ ചാരിതാര്‍ത്ഥ്യം: മന്ത്രി റോഷി അഗസ്റ്റിന്‍
1964 ലെയും 1993ലെയും ഭൂപതിവ് ചട്ടം ഭേദഗതി ചെയ്യുന്നതിനായി 1960 ലെ ഭൂപതിവ് ആക്ട് ഭേദഗതി ബില്‍ ഈ നിയമസഭാ സമ്മേളനത്തില്‍ തന്നെ കൊണ്ടുവരാന്‍ മന്ത്രിസഭാ യോഗം തീരുമാനിച്ചതില്‍ ഏറെ സന്തോഷമുണ്ടെന്ന് മന്ത്രി റോഷി അഗസ്റ്റിൻ. ജില്ലയിലെ കര്‍ഷകരുടെ ആശങ്കകള്‍ ശാശ്വതമായി അകറ്റാന്‍ സാധിച്ചതില്‍ ഏറെ ചാരിതാര്‍ത്ഥ്യമുണ്ട്. ഇടുക്കി ജില്ല രൂപീകരിച്ച നാള്‍ മുതലുള്ള ഭൂപ്രശ്‌നത്തിന് പരിഹാരം കാണുന്നതിനായി മുഖ്യമന്ത്രി പിണറായി വിജയന്റെ നേതൃത്വത്തിലുള്ള എല്‍ഡിഎഫ് സര്‍ക്കാര്‍ കാണിച്ച ഇച്ഛാശക്തി സമാനതകളില്ലാത്തതാണ്. ജില്ലയിലെ കുടിയേറ്റക്കാരുടെ പ്രശ്‌നങ്ങള്‍ പരിഹരിക്കാന്‍ റവന്യൂമന്ത്രി കെ. രാജന്‍ നടത്തിയ നിര്‍ണായക ഇടപെടലുകളും നന്ദിയോടെ സ്മരിക്കുന്നതായി റോഷി അഗസ്റ്റിൻ പറഞ്ഞു. ഈ ചരിത്രപരമായ ഇടപെടലിന്റെ ഭാഗമാകാന്‍ കഴിഞ്ഞതില്‍ ഏറെ അഭിമാനവും സംതൃപ്തിയുമുണ്ടെന്നും മന്ത്രി അറിയിച്ചു.
.jpeg)
