.jpg)
കെ സി ജോർജ് അനുസ്മരണം സെപ്തംബർ 23 - ന്; നാടക-സിനിമാ നടൻ പ്രമോദ് വെളിയനാട് ഉദ്ഘാടനം ചെയ്യും
ഇടുക്കിയുടെ നാടക പ്രതിഭ കെ സി ജോർജ് അനുസ്മരണം സെപ്തംബർ 23 - ന് വൈകിട്ട് നാല് മണിക്ക് കട്ടപ്പന സി എസ് ഐ ഗാർഡനിൽ നടത്തും.നാടക-സിനിമാ നടൻ പ്രമോദ് വെളിയനാട് അനുസ്മരണ സമ്മേളനം ഉദ്ഘാടനം ചെയ്യും. നഗരസഭാ ചെയർ പേഴ്സൺ ബീനാ ടോമി അധ്യക്ഷത വഹിക്കും.നാടക സംവിധായകൻ രാജീവൻ മമ്മിളി അനുസ്മരണ പ്രഭാഷണം നടത്തും.
നാടക രംഗത്ത് സമഗ്ര സംഭാവന നൽകിയ വ്യക്തിക്ക് കെ സി നാടക പ്രതിഭാ പുരസ്കാരം സമർപ്പിക്കും.നാടക പ്രതിഭാ പുരസ്കാരം നിശ്ചയിക്കാൻ ഇ ജെ ജോസഫ് ചെയർമാനായി ജൂറി പാനലിനെ നിശ്ചയിച്ചു.അനുസ്മരണ സമ്മേളനത്തിന് ശേഷം കായംകുളം പീപ്പിൾ തിയേറ്റേഴ്സിൻ്റെ അങ്ങാടിക്കുരുവികൾ എന്ന നാടകവും അവതരിപ്പിക്കും.
.jpeg)
