സ്വർണ്ണത്തിന്റ വില മുൻ കാലങ്ങളെ അപേക്ഷിച്ച് വലിയ തോതിൽ വർദ്ദിച്ച സാഹചര്യത്തിൽ സ്വർണ്ണ വ്യാപാര മേഘല വലിയ പ്രതിസന്ധിയിലൂടെ ആണ് കടന്നു പോകുന്നത്. സ്വർണ്ണ വ്യാപാര രംഗത്ത് ജോലിചെയ്യുന്ന ലക്ഷ കണക്കിന് ആളുകളെയും അവരെ ആശ്രയിച്ച് കഴിയുന്ന കുടുംബങ്ങളെയും സംരക്ഷിക്കുന്നതിനും, ഈ തൊഴിൽ മേഘലയെ നിലനിർത്തുന്നതിന് സ്വർണ്ണത്തിന്റ നികുതി 1 % ആയി കുറയ്ക്കണമെന്നും, പണയത്തിൽ ഇരിക്കുന്ന സ്വർണ്ണാഭരണങ്ങൾ എടുത്ത് വിൽക്കാൻ സഹായിക്കാമെന്ന പരസ്യം ചെയ്ത് യാതൊരു അംഗികാരവും ഇല്ലാതെ വ്യാപാരം നടത്തി വരുന്ന സ്ഥാപനങ്ങളെ നിയമം മൂലം നിയന്ത്രിക്കണമെന്നും ഓൾ കേരള ഗോൾഡ് ആൻറ് സിൽവർ മർച്ചൻറ് അസോസിയേഷൻ, ജില്ലാ കമ്മറ്റി സംസ്ഥാന സർക്കാരിനോട് ആവശ്യപ്പെട്ടു.

ദേശിയ പാത 49 നേര്യമഗലം മുതൽ വാളറ വരെ നിർമ്മാണം നിർത്തിവപ്പിച്ചതിനും, ഇടുക്കി ജില്ലയിലെ നിർമ്മാണ നിരോധനത്തിനും ജില്ലാ കമ്മറ്റി ഉത്കണ്ഠ രേഖ്യപ്പെടുത്തി.ഓൾ കേരള ഗോൾഡ് ആൻറ് സിൽവർ മർച്ചൻറ് അസോസിയേഷൻ ഇടുക്കി ജില്ലാ വാർഷിക പൊതുയോഗം 2025 ആഗസ്റ്റ് 24 (24/08/2025) ഞായറാഴ്‌ച, രാവിലെ 10 മണിക്ക് ചെറുതോണി വ്യാപാരഭവൻ ഓഡിറ്റോറിയത്തിൽ വച്ച് നടത്തി. ജില്ലാ പ്രസിഡന് ജോസ് വർക്കി കാക്കനാട്ട് അധ്യക്ഷത വഹിച്ചു.

ചിന്ത അസോസിയേഷൻ ഇടുക്കി ജില്ലാ ഭാരവാഹികളായി പ്രസിഡന്റ് ശ്രീ. ജോസ് വർക്കി കാക്കനാട്ട്, ജനറൽസെക്രട്ടറി ശ്രീ. സാജു പട്ടരുമഠം, ട്രഷറർ ശ്രീ. ബിജു കുര്യാക്കോസ് എന്നിവരെയും, വൈസ് പ്രസിഡന്റ്്‌മാരായി ജോയി പൊരുന്നോലി കട്ടപ്പന, തോമസ് പി. ജെ, ബാബു ജോസഫ് ചെറുതോണി, വർഗീസ് പീറ്റർ അടിമാലി, പി എൻ തൂക്കുപാലം, ഹെജി പി ചെറിയാൻ തൊടുപുഴ, പി.അജീവ് എന്നിവരും, സെക്രട്ടറിമാരായി ജോസുകുട്ടി ജോസഫ്, ഇ. കെ വിൻസ് മൂന്നാർ, ഷാജു ഈറോലിക്കൽ, ഷിജി അറക്കുളം, ജോസ് എം. എ കുമളി, ഇ റ്റി വേണുഗോപാൽ വണ്ടിപ്പെരിയാർ, എന്നിവരും. സംസ്ഥാന കമ്മറ്റിയിലേക്ക് സാജൻ ജോർജ്ജ്, മാത്യു കണ്ടിരിക്കൽ, ജോസ് വർക്കി കാക്കനാട്ട്, സാജു പട്ടരുമഠം, പി. അജീവ് എന്നിവരും തിരഞ്ഞെടുക്കപ്പെട്ടു .