.jpeg)
ഇടുക്കി രാജകുമാരിയിൽ മകൻ്റെ മർദ്ദനത്തിൽ മുതിർന്ന സിപിഎം നേതാവിന് ഗുരുതര പരിക്ക്
രാജകുമാരി: മകൻ്റെ മർദ്ദനത്തിൽ മുതിർന്ന സിപിഎം നേതാവിന് ഗുരുതര പരിക്ക്. കജനാപാറ സ്വദേശിയും രാജകുമാരി പഞ്ചായത്ത് മുൻ വൈസ് പ്രസിഡൻ്റും ദീർഘകാലം സിപിഎം രാജാക്കാട് ഏരിയാ കമ്മറ്റി അംഗവുമായരുന്ന ആണ്ടവർ (84) ക്കാണ് പരിക്കേറ്റത്. സംഭവത്തിൽ മകൻ മണികണ്ഠ (43) നെ രാജാക്കാട് പോലീസ് കസ്റ്റഡിയിലെടുത്തു.
.jpeg)
ഞായറാഴ്ച രാത്രി 11നാണ് വാക്കുതർക്കം ഉണ്ടായതിനെ തുടർന്ന് മണികണ്ഠൻ ആണ്ടവരെ ടേബിൾ ഫാൻ , ഫ്ലാസ്ക് എന്നിവ ഉപയോഗിച്ച് തലയിലും മുഖത്തും അടിച്ചത്. ഈ സമയം വീട്ടിൽ മറ്റാരും ഉണ്ടായിരുന്നില്ല. ഗുരുതരമായി പരിക്കേറ്റ ആണ്ടവരെ ആദ്യം തേനി മെഡിക്കൽ കോളേജിലും പിന്നീട് മധുര മെഡിക്കൽ കോളേജിലും പ്രവേശിപ്പിച്ചു. നിലവിൽ മധുര മെഡിക്കൽ കോളേജിൽ തീവ്ര പരിചരണ വിഭാഗത്തിൽ ചികിത്സയിലാണ്.
