.jpg)
.jpeg)
മൂന്നുമാസം തടവിന് ശിക്ഷിച്ചയാള്‍ ഒളിവില്‍ കഴിഞ്ഞത് 28 വര്‍ഷം; ഇടുക്കി തങ്കമണിയില്‍ നിന്നും പ്രതി പൊലീസ് പിടിയില്‍.
അയല്‍വാസിയെ വീട്ടില്‍ കയറി ആക്രമിച്ചതിന് കോടതി ശിക്ഷ വിധിച്ചതിന് ഒളിവില്‍ കഴിഞ്ഞയാള്‍ 28 വര്‍ഷത്തിനുശേഷം പൊലീസിന്റെ പിടിയില്‍. പാക്കാനം പുഞ്ചവയല്‍ കാരിശ്ശേരി ഭാഗത്ത് ചവറമ്മാക്കല്‍ വീട്ടില്‍ സന്തോഷ് ബാബു (59) എന്നയാളെയാണ് എരുമേലി പൊലീസ് ഇടുക്കി തങ്കമണിയില്‍ നിന്നും അറസ്റ്റ് ചെയ്തത്.1993 ല്‍ അയല്‍വാസിയെ വീട്ടില്‍ കയറി ആക്രമിക്കുകയും തുടര്‍ന്ന് ഇയാളെ അറസ്റ്റ് ചെയ്ത് കോടതിയില്‍ ഹാജരാക്കുകയും ചെയ്തിരുന്നു.പിന്നീട് കോടതി മൂന്നുമാസം തടവിനും 2000 രൂപ പിഴയും ശിക്ഷിക്കുകയായിരുന്നു. തുടര്‍ന്ന് കോടതിയില്‍ നിന്നും ഇളവ് നേടി ഇയാള്‍ ഒളിവില്‍ പോവുകയായിരുന്നു. ഇത്തരത്തില്‍ കോടതി ശിക്ഷ വിധിച്ചതിനുശേഷം ഒളിവില്‍ കഴിഞ്ഞുവരുന്ന പ്രതികളെ പിടികൂടുന്നതിനായി ജില്ലാ പൊലീസ് മേധാവി കെ.കാര്‍ത്തിക്കിന്റെ നേതൃത്വത്തില്‍ പ്രത്യേക അന്വേഷണസംഘം രൂപീകരിച്ച നടത്തിയ തിരച്ചിലിനോടുവില്‍ ഇയാളെ ഇടുക്കി തങ്കമണിയില്‍ നിന്നും പൊലീസ് സംഘം പിടികൂടുകയായിരുന്നു.
.jpeg)
.jpeg)
എരുമേലി എസ്.എച്ച്‌.ഓ ബിജു ഇ.ഡി, എസ്‌ഐ ശാന്തി കെ ബാബു, എഎസ്‌ഐ അനില്‍കുമാര്‍ എന്നിവരും അന്വേഷണ സംഘത്തില്‍ ഉണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
