.jpeg)
സ്വാതന്ത്ര്യദിനാഘോഷം: മന്ത്രി റോഷി അഗസ്റ്റിൻ അഭിവാദ്യം സ്വീകരിക്കും
രാജ്യത്തിന്റെ 79-ാം സ്വാതന്ത്ര്യദിനാഘോഷത്തോടനുബന്ധിച്ച് നാളെ(15) രാവിലെ 9 മണിക്ക് ഇടുക്കി ഐ.ഡി.എ ഗ്രൗണ്ടില്‍ ജലവിഭവ വകുപ്പ് മന്ത്രി റോഷി അഗസ്റ്റിൻ പതാക ഉയര്‍ത്തി അഭിവാദ്യം സ്വീകരിക്കും. പൊലീസ്, എക്‌സൈസ്, വനം വകുപ്പ്, എന്‍.സി.സി സീനിയര്‍ ആന്‍ഡ് ജൂനിയര്‍ ഡിവിഷനുകൾ, സ്‌കൗട്ട്‌സ് ആൻഡ് ഗൈഡ്‌സ്, സ്റ്റുഡന്റ്സ് പൊലീസ് കേഡറ്റ്സ്, തുടങ്ങി 20 പ്ലറ്റൂണുകൾ പരേഡില്‍ അണിനിരക്കും.
.jpg)
കുളമാവ് ജവഹര്‍ നവോദയ വിദ്യാലയത്തിലെ വിദ്യാര്‍ഥികള്‍ ദേശീയഗാനവും ദേശഭക്തിഗാനവും ആലപിക്കും. പൊലീസ് ജില്ലാ ഹെഡ് കോർട്ടേഴ്സ് ക്യാമ്പ് ഇടുക്കി,എം.ആര്‍ എസ്‌ പൈനാവ്‌ ,എസ്‌ എന്‍ എച്ച്‌ എസ്‌ എസ്‌ നങ്കി സിറ്റി എന്നിവർ ബാൻഡ് അവതരിപ്പിക്കും.
പ്ലാസ്റ്റിക് നിര്‍മ്മിത ദേശീയപതാകയുടെ വിതരണം, വില്‍പന, ഉപയോഗം എന്നിവ സര്‍ക്കാര്‍ നിരോധിച്ചിട്ടുണ്ട്. ആഘോഷങ്ങളിലുടനീളം ഹരിത പ്രോട്ടോക്കോള്‍ കര്‍ശനമായി പാലിക്കും.സ്വാതന്ത്ര്യദിനാഘോഷത്തില്‍ എം.പി, എം.എല്‍.എമാര്‍, ജില്ലാ പഞ്ചായത്ത് പ്രസിഡന്റ് , ജില്ലാ കളക്ടര്‍ , ജില്ലാ പൊലീസ് മേധാവി , ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.
