.jpeg)
ഇന്ത്യൻ നാഷണൽ കോൺഗ്രസ് ചിന്നക്കനാൽ മണ്ഡലം കമ്മറ്റിയുടെ നേതൃത്വത്തിൽ ചിന്നക്കനാൽ വില്ലേജ് ഓഫിസിലേക്ക് പ്രതിഷേധ മാർച്ചും ധർണ്ണയും സംഘടിപ്പിച്ചു
സംസ്ഥാന ബഡ്ജറ്റിലെ ജനദ്രോഹ നയങ്ങൾ പിൻവലിക്കുക ,അൻപത് ശതമാനം വർധിപ്പിച്ച ഭൂ നികുതി പിൻവലിക്കുക,ജാതി സർട്ടിഫിക്കറ്റ് നൽകുക ,ലൈഫ് മിഷൻ പദ്ധതി വീടുകൾക്ക് എൻ ഒ സി നൽകുക തുടങ്ങിയ ആവിശ്യങ്ങൾ ഉന്നയിച്ചു കൊണ്ടാണ് സമരം സംഘടിപ്പിച്ചത്. കെ പി സി സി യുടെ നിർദേശപ്രകാരം സംസ്ഥാന വ്യാപകമായി നടക്കുന്ന സമരത്തിന്റെ ഭാഗമായിട്ടാണ് ഇന്ത്യൻ നാഷണൽ കോൺഗ്രസ് ചിന്നക്കനാൽ മണ്ഡലം കമ്മറ്റിയുടെ നേതൃത്വത്തിൽ ചിന്നക്കനാൽ വില്ലേജ് ഓഫിസിലേക്ക് പ്രതിഷേധ മാർച്ചും ധർണ്ണയും സംഘടിപ്പിച്ചത്.
.jpeg)
മണ്ഡലം പ്രസിഡന്റ് പി വേൽമണിയുടെ നേതൃത്വത്തിൽ നടന്ന ധർണ്ണാ സമരം ബ്ലോക്ക് കോൺഗ്രസ് കമ്മറ്റി പ്രസിഡന്റ് എസ്‌ വിജയകുമാർ ഉത്‌ഘാടനം ചെയ്‌തു.ധർണ്ണ സമരത്തിൽ ബ്ലോക്ക് കോൺഗ്രസ് വൈസ് പ്രസിഡന്റ് മുരുകപാണ്ടി മുഖ്യപ്രഭാക്ഷണം നടത്തി.യൂത്ത് കോൺഗ്രസ് മണ്ഡലം പ്രസിഡന്റ് പാണ്ടി രാജ്, ബ്ലോക്ക് കമ്മറ്റി അംഗങ്ങൾ,മണ്ഡലം കമ്മറ്റി ഭാരവാഹികൾ ,പഞ്ചായത്ത് അംഗങ്ങൾ തുടങ്ങിയവർ പങ്കെടുത്തു.
