സംസ്ഥാനത്തെ മികച്ച പാർലമെന്റ് അംഗത്തിനുള്ള എ പി ജെ അബ്ദുൾ കലാം ജനമിത്ര പുരസ്കാരം നേടിയ ഇടുക്കി എം പി അഡ്വ: ഡീൻ കുര്യാക്കോസിന് കോൺഗ്രസ് കട്ടപ്പന ബ്ലോക്ക് കമ്മറ്റിയുടെ നേതൃത്വത്തിൽ സ്വീകരണം നൽകി

കോൺഗ്രസ് കട്ടപ്പന ബ്ലോക്ക് കമ്മറ്റിയുടെ നേതൃത്വത്തിലാണ് സംസ്ഥാനത്തെ മികച്ച പാർലമെന്റ് അംഗത്തിനുള്ള എ. പി. ജെ അബ്ദുൾ കലാം ജനമിത്ര പുരസ്കാരം നേടിയ അഡ്വ: ഡീൻ കുര്യാക്കോസിന് സ്വീകരണം നൽകിയത് . യോഗം എ .ഐ . സി . സി അംഗം അഡ്വ: ഇ എം അഗസ്തി ഉദ്ഘാടനം ചെയ്തു.ജനകീയ പ്രശ്നങ്ങളിൽ ഇടപെട്ട് ഇതിന് ശാശ്വതമായ പരിഹാരം നേടിയെടുക്കുന്നത് ഡീൻ കുര്യാക്കോസ് എംപിയുടെ കഴിവ് പ്രശംസനീയമാണെന്ന് ഇ എം ആഗസ്തി പറഞ്ഞു.
എം പി ക്ക് മൊമെന്റോ നൽകിയും പൊന്നാട അണിയിച്ചുമാണ് ആദരവ് നൽകിയത്. ബ്ലോക്ക് പ്രസിഡണ്ട് തോമസ് മൈക്കിൾ അധ്യക്ഷത വഹിച്ചു. യൂ ഡി എഫ് ജില്ലാ ചെയർമാൻ ജോയി വെട്ടിക്കുഴി, ഡി സി സി ഭാരവാഹികളായ അഡ്വ: കെ ജെ ബെന്നി, കെ ബി സെൽവം, വിജയകുമാർ മറ്റക്കര, നേതാക്കളായ സിജു ചക്കുംമൂട്ടിൽ, അനീഷ് മണ്ണൂർ, ഷാജി വെള്ളംമാക്കൽ, എ എം സന്തോഷ്, പ്രശാന്ത് രാജു, ബാബു പുളിക്കൽ,കെ എസ് സജീവ്,പി എസ് മേരിദാസൻ, ജോസ് അനക്കല്ലിൽ, കെ ഡി രാധാകൃഷ്ണൻ,പൊന്നപ്പൻ അഞ്ചപ്ര തുടങ്ങിയവർ പങ്കെടുത്തു.