സംസ്ഥാന ആരോഗ്യവകുപ്പ് കട്ടപ്പന താലൂക്ക് ആശുപത്രിക്ക് അനുവദിച്ചിട്ടുള്ള ഹെല്‍ത്ത് ഗ്രാന്‍ഡ് 45 ലക്ഷം രൂപ വിനിയോഗിച്ച് പ്രവര്‍ത്തനം ആരംഭിക്കുന്ന 360 ഡിഗ്രി മെറ്റബോളിക് ഡിസീസ് മാനേജ്മെന്റ് സെന്റര്‍ മന്ത്രി റോഷി അഗസ്റ്റിന്‍ ഉദ്ഘാടനം ചെയ്തു. ജീവിതശൈലി രോഗ പരിശോധനകളെ ഒരു കുടക്കീഴിലാക്കുന്നതിന്റെ ഭാഗമായി സംസ്ഥാനത്ത് ഉടനീളം നടപ്പിലാക്കുന്ന പദ്ധതിയുടെ ഭാഗമായാണ് കട്ടപ്പന താലൂക്ക് ആശുപത്രിയെയും ഉള്‍പ്പെടുത്തിയിരിക്കുന്നത്. 

കട്ടപ്പന മുനിസിപ്പല്‍ ചെയര്‍മാന്‍ ബീനാ ടോമി അധ്യക്ഷത വഹിച്ച ചടങ്ങില്‍ പുതിയ വാര്‍ഡുകളുടെ ഉദ്ഘാടനം അഡ്വ. ഡീന്‍ കുര്യാക്കോസ് എംപി നിർവഹിച്ചു. ജീവിതശൈലി രോഗങ്ങൾ സാര്‍വത്രികമായി മാറുന്ന ഈ കാലഘട്ടത്തില്‍ രോഗം പ്രാരംഭദിശയില്‍ത്തന്നെ കണ്ടെത്തി ചികിത്സ ഉറപ്പാക്കുകയാണ് സെന്ററിന്റെ ലക്ഷ്യം.

 നഗരസഭ ചെയർപേഴ്സൺ ബീന ടോമി അധ്യക്ഷത വഹിച്ചു. താലൂക്ക് ആശുപത്രി സൂപ്രണ്ട് ഡോക്ടർ ഉമാദേവി എം ആർ പദ്ധതി അവതരണം നടത്തി. നഗരസഭ വൈസ് ചെയർമാൻ കെ ജെ ബെന്നി, ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ലീലാമാ ബേബി, ഇടുക്കി ഡിഎംഒ സുരേഷ് വർഗീസ്, നഗരസഭ അംഗങ്ങളായ ജാൻസി ബേബി,

 മനോജ് മുരളി, സിബി പാറപ്പായി, ഐബി മോൾ രാജൻ, എസ് സി ബി പ്രസിഡന്റ് ജോയ് വെട്ടികുഴി, ഇടുക്കി ഡിപിഎം ഖയാസ് ഇ കെ , ഡെപ്യൂട്ടി ഡിഎംഒ ജോബിൻ ജി ജോസഫ്, താലൂക്ക് ആശുപത്രി ആർഎംഒ ജിശാന്ത് ബി ജെയിംസ്, താലൂക്ക് ആശുപത്രി ഡെപ്യൂട്ടി സൂപ്രണ്ട് ഡോക്ടർ പ്രശാന്ത് വി കെ. വിവിധ രാഷ്ട്രീയകക്ഷി നേതാക്കൾ സാമൂഹ്യപ്രവർത്തകർ തുടങ്ങിയവർ സന്നിഹിതരായിരുന്നു.