വ്യാപാരികളുടെ വിവിധ ആവശ്യങ്ങൾ ഉന്നയിച്ചുകൊണ്ട് പാർലമെന്റ് മാർച്ചിന് മുന്നോടിയായിട്ടുള്ള, സമര പ്രഖ്യാപന കൺവെൻഷനും പ്രകടനവും ജനുവരി 15 ന് 2 മണിക്ക് ചെറുതോണിയിൽ നടത്തുമെന്ന്.കേരള വ്യാപാരി വ്യവസായി ഏകോപനസമിതി ജില്ലാ നേതാക്കൾ വാർത്താ സമ്മേളനത്തിൽ അറിയിച്ചു.

വ്യാപാര സ്ഥാപനങ്ങളുടെ വാടകയ്ക്കുള്ള ജി എസ് ടി പൂർണ്ണമായും പിൻവലിക്കുക,ചെറുകിട വ്യാപാര മേഖലയിൽ ഗ്രാമങ്ങളിൽ കുത്തകകളുടെ കടന്നുകയറ്റം അവസാനിപ്പിക്കുക,ഓൺലൈൻ വ്യാപാരത്തിന് നിയന്ത്രണങ്ങൾ ഏർപ്പെടുത്തുക,ചെറുകിട വ്യാപാര മേഖലയെ സംരക്ഷിക്കാൻ ആവശ്യമായ നിയമ നിർമ്മാണങ്ങൾ നടത്തുക,തുടങ്ങി വിവിധങ്ങളായ ആവശ്യങ്ങൾ ഉന്നയിച്ചുകൊണ്ട് ഫെബ്രുവരി മാസം പതിനെട്ടാം തീയതി കേരള വ്യാപാരി വ്യവസായി ഏകോപന സമിതി സംസ്ഥാന കമ്മിറ്റിയുടെ നേതൃത്വത്തിൽ പാർലമെന്റിലേക്ക് മാർച്ച് നടത്തുകയാണ്.

അതിന് മുന്നോടിയായാണ് എല്ലാ ജില്ലകളിലും സമര പ്രഖ്യാപന കൺവെൻഷൻ നടത്തുന്നത്. 15 ന് ഉച്ചയ്ക്ക് 2 മണിയോടെ ചെറുതോണി വ്യാപാര ഭവനിൽ നിന്നും പ്രതിഷേധ പ്രകടനം ആരംഭിക്കും.പ്രകടനത്തിൽ നുറു കണക്കിന് വ്യാപാരികൾ പങ്കെടുക്കും.തുടർന്ന് ടൗൺ ഹാളിൽ ആരംഭിക്കുന്ന സമര പ്രഖ്യാപന കൺവെൻഷൻ,കേരള വ്യാപാരി വ്യവസായി ഏകോപനസമിതി സംസ്ഥാന പ്രസിഡണ്ട് രാജു അപ്സര ഉദ്ഘാടനം ചെയ്യും.

സംസ്ഥാന നേതാക്കളായ കുഞ്ഞാവു ഹാജി,(മലപ്പുറം )ദേവസ്യ മേച്ചേരി, (കണ്ണൂർ )എസ്. ദേവരാജൻ, ( കൊല്ലം )എം. കെ. തോമസ് ( കോട്ടയം )കുട്ടി, ബാബു കോട്ടയിൽ( പാലക്കാട്‌ )എന്നിവർ സംസാരിക്കും. ജില്ലയിലെ വിവിധ യൂണിറ്റുകളിൽ നിന്ന് ജില്ലാ കൗൺസിൽ അംഗങ്ങൾ, യൂണിറ്റ് ഭാരവാഹികൾ, നിയോജക മണ്ഡലം ഭാരവാഹികൾ, യൂത്ത് വിംഗ്, വനിതാ വിംഗ് ജില്ലാ / യൂണിറ്റ് ഭാരവാഹികൾ എന്നിവർ സമ്മേളനത്തിൽ പങ്കെടുക്കും.

സമീപ യൂണിറ്റുകളിൽ നിന്നും പരമാവധി അംഗങ്ങളും പ്രകടനത്തിൽ പങ്കെടുക്കുമെന്ന് ജില്ലാ പ്രസിഡന്റ്‌ സണ്ണി പൈമ്പിള്ളിൽ പറഞ്ഞു ജില്ലാ നേതാക്കളായ നജീബ് ഇല്ലത്തുപറമ്പിൽ, കെ. ആർ. വിനോദ്. ആർ. രമേശ്‌, പി. എം. ബേബി, തങ്കച്ചൻ കോട്ടക്കകം, ജോസ് കുഴികണ്ടം, വി. എസ്. ബിജു, ബാബുലാൽ. ഷിബു തോമസ്, എം. കെ. തോമസ്, എന്നിവർ പരിപാടികൾക്ക് നേതൃത്വം നൽകും. ഫെബ്രുവരി 18 ന്‌ നടക്കുന്ന പാർലമെന്റ് മാർച്ചിൽ ജില്ലയിൽ നിന്ന് 500 അംഗങ്ങൾ പങ്കെടുക്കുമെന്നും ഭാരവാഹികൾ പറഞ്ഞു.