.jpg)
.jpg)
.jpg)
കാഞ്ചിയാർ കൽത്തൊട്ടി ദൃശ്യ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്ബിന്റെ 20-ാം വാർഷികാഘോഷം നടന്നു
കല്‍ത്തൊട്ടി ദൃശ്യ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്ബിന്റെ 20-ാം വാര്‍ഷികാഘോഷമാണ് കല്‍ത്തൊട്ടി ജംഗ്ഷനിൽ വച്ച് നടത്തിയത് . അഡ്വ. ഡീന്‍ കുര്യാക്കോസ് എം.പി ഓൺ ലൈനായി ഉദ്ഘാടനം ചെയ്തു .ക്ലബ് പ്രസിഡന്റ് ഷെല്‍ജി പുല്ലാട്ട് അധ്യക്ഷനായിരുന്നു . കാഞ്ചിയാര്‍ പഞ്ചായത്ത് വൈസ് പ്രസിഡന്റ് വിജയകുമാരി ജയകുമാർ മുഖ്യപ്രഭാഷണം നടത്തി.
ചടങ്ങിൽ വിവിധ മേഖലകളില്‍ മികവ് തെളിയിച്ചവരെ ആദരിച്ചു. തുടർന്ന് വൈറ്റ് ഗാനമേളയും നടന്നു. ക്ലബ്ബിന്റെ കീഴില്‍ യൂത്ത് ക്ലബ്ബും ചില്‍ഡ്രന്‍സ് ക്ലബ്ബും സ്വയംസഹായ സംഘങ്ങളും പ്രവര്‍ത്തിച്ചുവരുന്നുണ്ട്. രണ്ടുപതിറ്റാണ്ടായി രക്തദാന സേനയും സജീവമായുണ്ട്. കുട്ടികള്‍ക്കും മുതിര്‍ന്നവര്‍ക്കുമായി ബോധവല്‍ക്കരണ ക്ലാസുകളും കര്‍ഷകര്‍ക്കായി സെമിനാറുകളും സംഘടിപ്പിക്കുന്നുണ്ട്. നാടിന്റെ ജനകീയ പ്രശ്‌നങ്ങള്‍ അധികൃതരുടെ മുന്നിലെത്തിക്കാന്‍ ഇടപെടല്‍ നടത്തുന്നുണ്ട്.
കലാകായിക രംഗങ്ങളില്‍ മികവ് തെളിയിക്കുന്നവര്‍ക്കും എഴുത്തുകാര്‍ക്കും പഠനത്തില്‍ മികവു പുലര്‍ത്തുന്നവര്‍ക്കും പ്രോത്സാഹനവും നല്‍കിവരുന്നു. ക്ലബ് സെക്രട്ടറി ജോമോന്‍ തെക്കേല്‍, ഭാരവാഹികളായ വിനീഷ് കടുപ്പില്‍, ജെയിംസ് മ്ലാക്കുഴി, ആല്‍ബിന്‍ മണ്ണഞ്ചേരി എന്നിവര്‍ നേതൃത്വം നൽകി.
