മൂന്നാർ ഉദുമൽപ്പെട്ട് അന്തർ സംസ്ഥാനപാതയിൽ ജീപ്പ് നിയന്ത്രണം നഷ്ടപ്പെട്ട് മറിഞ്ഞു
മൂന്നാർ ഉദുമൽപ്പെട്ട് അന്തർ സംസ്ഥാനപാതയിൽ പെരിയവാരയ്ക്കും കനിമലയയ്ക്കും ഇടയിൽ വച്ച് ജീപ്പ് നിയന്ത്രണം നഷ്ടപ്പെട്ട് മറിഞ്ഞു.ഇന്നലെ രാത്രിയോടെയായിരുന്നു അപകടം സംഭവിച്ചത്.ഇടമലക്കുടിയിൽ പോയി തിരികെ മടങ്ങിയ മാങ്കുളം വേലിയാംപാറക്കുടി സ്വദേശികളായ ദമ്പതികളാണ് അപകടത്തില്‍പ്പെട്ടത്.
പെരിയവരൈക്ക് സമീപം ഇന്നലെ രാത്രിയാണ് അപകടം സംഭവിച്ചത്.മാങ്കുളം വേലിയാംപാറക്കുടി സ്വദേശികളായ രാമചന്ദ്രന്, ഭാര്യ ജ്യോതി എന്നിവര്‍ സഞ്ചരിച്ചിരുന്ന ജീപ്പ് നിയന്ത്രണം നഷ്ടപ്പെട്ട് മറിയുകയായിരുന്നു.അപകടത്തില്‍ രാമചന്ദ്രന് കൈയ്ക്കും കാലിനും തലയിലും പരിക്കേറ്റു.വാഹനം മറിഞ്ഞ ശേഷം ഇവര്‍ തന്നെ വാഹനത്തിന് പുറത്തിറങ്ങി റോഡിലെത്തുകയും ഇതുവഴി വന്ന മറ്റൊരു വാഹനത്തില്‍ ആശുപത്രിയില്‍ എത്തുകയുമായിരുന്നു.ഇടമലക്കുടി സന്ദര്‍ശനം കഴിഞ്ഞ് ഇന്നലെ രാത്രി ഇവര്‍ തിരികെ മടങ്ങവെയാണ് അപകടം സംഭവിച്ചത്.മൂന്നാർ പോലിസും ഫയർഫോഴ്സും സ്ഥലത്ത് എത്തി അന്വേഷിച്ചപ്പോഴാണ് ഇരുവരും അടിമാലി താലുക്ക് ആശുപത്രിയിൽ ഉണ്ടെന്നറിഞ്ഞത്.
.jpeg)
