വണ്ടിപ്പെരിയാർ നെല്ലിമലക്ക് സമീപം നിർത്തിയിട്ടിരുന്ന ടിപ്പർ ലോറിയിൽ ഓട്ടോറിക്ഷ ഇടിച്ച് അപകടം
അപകടത്തിൽ ഓട്ടോറിക്ഷ ഡ്രൈവർ നെല്ലിമല സ്വദേശി ജഗൻ 24ന് തലയ്ക്ക് പരിക്കേറ്റു
ഇന്നലെ രാത്രി 8:30തോടുകൂടിയായിരുന്നു സംഭവം. വണ്ടിപ്പെരിയാർ നെല്ലി മലക്ക് സമീപം നിർത്തിയിട്ടിരുന്ന ടിപ്പർ ലോറിയിൽ നെല്ലിമലയിൽ നിന്നും വാളാടിയിലേക്ക് പോകുകയായിരുന്ന ഓട്ടോറിക്ഷ നിയന്ത്രണം വിട്ട് ഇടിക്കുകയായിരുന്നു. ഇടിയുടെ ആഘാതത്തിൽ ഓട്ടോറിക്ഷ ഡ്രൈവർ ജഗൻ 24ന് തലയ്ക്ക് പരിക്കേറ്റു.തുടർന്ന് നാട്ടുകാർ ഇയാളെ വണ്ടിപ്പെരിയാർ പ്രാഥമികാരോഗ്യ ആശുപത്രിയിൽ എത്തിച്ച് ചികിത്സ നൽകിയതിന് ശേഷം അവിടെ നിന്നും വിദഗ്ധ ചികിത്സയ്ക്കായി കോട്ടയം മെഡിക്കൽ കോളേജിൽ പ്രവേശിപ്പിക്കുകയും ചെയ്തു. അപകടത്തിൽ ഓട്ടോറിക്ഷയുടെ മുൻവശം പൂർണമായും തകർന്ന അവസ്ഥയിലാണ്. വണ്ടിപ്പെരിയാർ പോലീസ് തുടർ നടപടികൾ സ്വീകരിച്ചു.
.jpeg)
