ഇടുക്കി അടിമാലിയിൽ ഓടയിൽ കാൽവഴുതി വീണ് ഒരാൾ മരിച്ചു
ഇടുക്കി അടിമാലിയിൽ ഓടയിൽ കാൽവഴുതി വീണ് ഒരാൾ മരിച്ചു.അടിമാലി മച്ചിപ്ലാവിൽ പള്ളിമനയിൽ പി എ ശശിധരൻ ആണ് മരിച്ചത്. 63 വയസായിരുന്നു. കഴിഞ്ഞ ദിവസം രാത്രിയിൽ ആണ് സംഭവം.രാത്രി വീട്ടിലേക്ക് വരും വഴി കാൽ വഴുതി റോഡരുകിലെ ഓടയിൽ വീഴുകയായിരുന്നു.
ഓടയിൽ നിന്ന് ഒഴുകി വന്ന് സ്ലാബിനടിയിൽ കുടുങ്ങുകയും എഴുന്നേൽക്കാൻ സാധിക്കാതെ വരികയും ചെയ്തു.രാവിലെ ഇദ്ദേഹത്തെ കാൺമാനില്ലാത്തതിനെ തുടർന്ന് ഭാര്യ അയൽവാസികളെ വിവരം അറിയിച്ചതിനെ തുടർന്ന് നടത്തിയ അന്വേഷണത്തിൽ ആണ് മൃതദ്ദേഹം കണ്ടെത്തിയത്.