.jpg)
.jpg)
.jpg)
കട്ടപ്പന അര്‍ബന്‍ കോ ഓപ്പറേറ്റീവ് ബാങ്കിന്റെ കോര്‍ ബാങ്കിങ് സോഫ്റ്റ്‌വെയര്‍ ലോഞ്ചിങ് ജൂലൈ 22 -ന്
കട്ടപ്പന അര്‍ബന്‍ കോ ഓപ്പറേറ്റീവ് ബാങ്കിന്റെ കോര്‍ ബാങ്കിങ് സോഫ്റ്റ്‌വെയര്‍ ലോഞ്ചിങ് ജൂലൈ 22 -ന് ഉച്ചകഴിഞ്ഞ് 3.30ന് ജലവിഭവ വകുപ്പ് മന്ത്രി റോഷി അഗസ്റ്റിന്‍ നിര്‍വഹിക്കും. ബാങ്ക് ചെയര്‍മാന്‍ അഡ്വ. ഇ. എം ആഗസ്തി അധ്യക്ഷനാകും. അര്‍ബന്‍ ബാങ്ക് ഫെഡറേഷന്‍ ചെയര്‍മാര്‍ ടി.പി. ദാസന്‍ മുഖ്യാതിഥിയാകും. ഫെഡറേഷന്റെ കോമണ്‍ സോഫ്റ്റ്‌വെയര്‍ പദ്ധതിയെക്കുറിച്ച് ജനറല്‍ സെക്രട്ടറി അഡ്വ. ജയവര്‍മ വിശദീകരിക്കും.
നഗരസഭ ചെയര്‍പേഴ്‌സണ്‍ ബീനാ ടോമി, ഇടുക്കി ജോയിന്റ് രജിസ്ട്രാര്‍(ജനറല്‍) റെയ്‌നു തോമസ്, ഇടുക്കി അസിസ്റ്റന്റ് രജിസ്ട്രാര്‍(ജനറല്‍) വില്‍സണ്‍ സി.ആര്‍, മര്‍ച്ചന്റ്‌സ് അസോസിയേഷന്‍ പ്രസിഡന്റ് അഡ്വ. എം.കെ. തോമസ്, നഗരസഭ കൗണ്‍സിലര്‍ ധന്യ അനില്‍, തോമസ് മൈക്കിള്‍, ബാങ്ക് വൈസ് ചെയര്‍മാന്‍ ഫിലിപ്പ് മലയാറ്റ്, മാനേജിങ് ഡയറക്ടര്‍ ടി മുരളീധരന്‍ എന്നിവര്‍ സംസാരിക്കും.
അഞ്ച് പതിറ്റാണ്ടിലേറെയായി ചെയര്‍മാനായി പ്രവര്‍ത്തിച്ചുവരുന്ന അഡ്വ. ഇ എം ആഗസ്തിയെ ചടങ്ങില്‍ ആദരിക്കും.ആര്‍ബിഐ ലൈസന്‍സോടെ പ്രവര്‍ത്തിച്ചുവരുന്ന ബാങ്ക് മികച്ച സേവനമാണ് നല്‍കിവരുന്നതെന്ന് ഭരണസമിതി പറഞ്ഞു. കോര്‍ ബാങ്കിങ്ങിലേക്ക് കടക്കുന്നതോടെ മറ്റ് ബാങ്കുകള്‍ നല്‍കുന്ന എല്ലാസേവനങ്ങളും അര്‍ബന്‍ ബാങ്കിന്റെ സഹകാരികള്‍ക്കും ലഭിക്കും.
ഇന്‍ഫ്രാസോഫ്റ്റ് ടെക്‌നോളജീസ് ലിമിറ്റഡിന്റെ സോഫ്റ്റ് വെയര്‍ ആണ് ലോഞ്ച് ചെയ്യുന്നത്.എടിഎം, മൊബൈല്‍ ബാങ്കിങ്, ആര്‍ടിജിഎസ്, എന്‍ഇഎഫ്ടി, ഐഎംപിഎസ്, യുപിഐ സേവനങ്ങളും ലഭ്യമാകും. വാര്‍ത്താസമ്മേളനത്തില്‍ അഡ്വ. ഇ എം ആഗസ്തി, ഫിലിപ്പ് മലയാറ്റ്, തോമസ് മൈക്കിള്‍, ടി മുരളീധരന്‍ എന്നിവര്‍ പങ്കെടുത്തു.
