കേരള സ്റ്റേറ്റ് സർവീസ് പെൻഷനേഴ്‌സ് അസോസിയേഷന്റെ ഇടുക്കി നിയോജകമണ്ഡലം പ്രവർത്തക കൺവെൻഷൻ ആണ് കട്ടപ്പനയിൽ സംഘടിപ്പിച്ചത്. കേരളത്തിലെ ജനങ്ങളോട് പിണറായി സർക്കാരും കേന്ദ്രം ഭരിക്കുന്ന നരേന്ദ്രമോദയും ജനദ്രോഹ നടപടികളാണ് സ്വീകരിക്കുന്നത് . പഴയ കാലഘട്ടത്തിൽ പ്രജകളെ കാണാൻ രാജാവ് വരുന്നത് പോല ഏ സി ബസ്സിൽ ജനങ്ങളെ കാണാൻ വരാനേ മുഖ്യമന്ത്രിക്ക് അറിയൂ .

ഇതിനെതിരെ ജനങ്ങൾ പ്രതികരിച്ചതിന്റെ ഉദാഹരണമാണ് പാർലമെന്റ് തിരഞ്ഞെടുപ്പിൽ കാണാൻ സാധിച്ചത്. യു ഡി എഫ് പ്രസ്ഥാനത്തെ വിശ്വസിക്കുന്നവർക്ക് പുറമേ കമ്മ്യൂണിസ്റ്റുകാർ ഉൾപ്പെടെ ഡീൻ കുര്യാക്കോസിന് വോട്ട് ചെയ്തതിന്റെ ഫലമായിട്ടാണ് അദ്ദേഹം വിജയിച്ചത് എന്ന് കെ എസ് എസ് പി എ നിയോജകമണ്ഡലം പ്രവർത്തക കൺവെൻഷൻ ഉദ്ഘാടനം ചെയ്തുകൊണ്ട് അസോസിയേഷൻ സംസ്ഥാന വൈസ് പ്രസിഡന്റ് കെ വി മുരളി പറഞ്ഞു.

 ഈ വർഷം സംഘടനയിൽ പുതുതായി അംഗങ്ങളായി കടന്നുവന്നവരെ പൊന്നാട അണിയിച്ച് സ്വീകരിച്ചു.അസോസിയേഷൻ ഇടുക്കി നിയോജകമണ്ഡലം പ്രസിഡന്റ് ഏ ഡി ചാക്കോ അധ്യക്ഷത വഹിച്ച യോഗത്തിൽ. അസോസിയേഷൻ ഇടുക്കി ജില്ലാ പ്രസിഡന്റ് പി കെ ഷാജി, സംസ്ഥാന സമിതി അംഗം കെ എ മാത്യു, പി എസ് രാജപ്പൻ, അസോസിയേഷൻ ജില്ലാ സെക്രട്ടറി ഐവാൻ സെബാസ്റ്റ്യൻ, ജില്ല വൈസ് പ്രസിഡണ്ട്മാരായ സണ്ണി മാത്യു, ജോസ് വെട്ടിക്കാല, ജില്ലാ ജോയിൻ സെക്രട്ടറി ജോസഫ് പെരുന്നൊലിൽ, എന്നിവർ സംസാരിച്ചു.