വണ്ടിപ്പെരിയാർ പുതിയ പാലത്തിലെ കോൺക്രീറ്റ് കമ്പി വീണ്ടും ഇളകിയത് അപകട സാധ്യത സൃഷ്ടിക്കുന്നു.മുൻപ് പാലത്തിലെ കോൺക്രീറ്റ് കമ്പികൾ ഇളകിയത് പുനർനിർമ്മിച്ചതിൻ്റെ ഭാഗമായുള്ള കോൺക്രീറ്റ് കമ്പിയാണ് ഇപ്പോൾ ഇളകി വാഹനങ്ങൾക്ക് അപകടക്കെണി ഒരുക്കുന്നത്.

 മുൻപ് പുതിയ പാലത്തിലെ കോൺക്രീറ്റ് കമ്പികൾ ഇളകി അപകടാവസ്ഥ സൃഷ്ടിച്ചിരുന്നു. നിരവധി പരാതികൾക്കും പ്രതിഷേധങ്ങൾക്കും ഒടുവിൽ ദേശീയപാത അധികൃതർ ഇടപെട്ട് പാലത്തിനു മുകളിൽ റീ കോൺക്രീറ്റ് ചെയ്താണ് ഇത് പരിഹരിച്ചിരുന്നത്.എന്നാൽ ഈ അപകട കെണിക്ക് പരിഹാരമായി ചെയ്ത കോൺക്രീറ്റിലെ സ്പാൻ ആംഗ്ലേയർ കമ്പിയാണ് കോൺക്രീറ്റ് ചെയ്ത് ആറുമാസം പിന്നിട്ടപ്പോഴേക്കും ഇളകി വാഹനങ്ങൾക്ക് അപകട കെണിയായി മാറുന്നത്.റീ കോൺക്രീറ്റ് ചെയ്തത് ഇളകി പോവാതിരിക്കാൻ ആയി സ്പാൻ ചെയ്ത ഭാഗങ്ങളിലെ ആംഗ്ലേയർ കമ്പി ഇളകി കോൺക്രീറ്റിന് മുകളിലായി നിൽക്കുന്നത് വാഹനങ്ങൾക്ക് കേടുപാടുകൾ സംഭവിക്കും എന്നാണ് നാട്ടുകാരുടെ പരാതി.

രാത്രി കാലങ്ങളിൽ വണ്ടിപ്പെരിയാർ പുതിയ പാലത്തിലൂടെ കടന്നുപോകുന്ന വാഹനങ്ങൾക്കാണ് ഇത് അപകട കെണിയായി മാറുന്നത് ഇളകി മാറിയ കമ്പിയിൽ വാഹനങ്ങൾ കയറി ടയറിന് കേടുപാടുകൾ സംഭവിക്കുന്നതിലൂടെ വാഹനങ്ങൾ അപകടത്തിൽ പെടാൻ സാധ്യതയും ഏറെയാണ്. അതിനാൽ അടിയന്തരമായി ഈ വിഷയത്തിൽ ദേശീയപാത അധികൃതരുടെ ഇടപെടൽ ഉണ്ടാവണമെന്ന ആവശ്യമാണ് ശക്തമാവുന്നത്.