കട്ടപ്പന, കാഞ്ചിയാർ മേഖലകളിൽ പര്യടനം നടത്തി ഡീൻ

 കട്ടപ്പനയിലും കാഞ്ചിയർ പ്രദേശങ്ങളിലും പ്രചാരണത്തിന് എത്തിയ യുഡിഎഫ് സ്ഥാനാർത്ഥി ഡീൻ കുര്യാക്കോസിന് ഊഷ്മളമായ സ്വീകരണം.വിദ്യാഭ്യാസ സ്ഥാപനങ്ങൾ, ആരാധനാലയങ്ങൾ, ആശുപത്രികൾ, അഗതി മന്ദിരങ്ങൾ എന്നിവ സന്ദർശിച്ചു വോട്ട് അഭ്യർത്ഥിക്കുന്നതിനും പിന്തുണ തേടുന്നതിനുമാണ് ഡീൻ ഇന്നലെ കൂടുതൽ സമയവും ചെലവഴിച്ചത്.രാവിലെ കട്ടപ്പനയിലെ പ്രധാന നേതാക്കളെ കണ്ട് തെരഞ്ഞെടുപ്പ് പ്രവർത്തനങ്ങൾ വിലയിരുത്തിയതിന് ശേഷം വ്യക്തികളെ നേരിൽ കണ്ട് സൗഹൃദം പുതുക്കിയാണ് ഡീൻ പ്രചരണം ആരംഭിച്ചത്.സെന്റ് ജോൺസ് ആശുപത്രിയിൽ എത്തി ജീവനക്കാരോടും രോഗികളോടും കൂട്ടിരിപ്പുകാരോടും വോട്ട് അഭ്യർത്ഥിച്ചു.തുടർന്ന് നേഴ്സിംഗ് കോളേജിലും ഫാർമസി കോളേജിലും എത്തി വിദ്യാർത്ഥികളോട് യുഡിഎഫ് സ്ഥാനാർത്ഥി വോട്ട് തേടി.വള്ളക്കടവിലുള്ള ആരാധനാലയവും അഗതി മന്ദിരങ്ങളും സന്ദർശിച്ച ശേഷം അടിമാലിയിൽ ദേവികുളം നിയോജകമണ്ഡലം കൺവെൻഷനിലും തുടർന്ന് റോഡ് ഷോയിലും പങ്കെടുത്താണ് യുഡിഎഫ് സ്ഥാനാർത്ഥി ഇന്നലെ പ്രചാരണം പൂർത്തിയാക്കിയത്.ഇന്ന് പീരുമേട് മണ്ഡലത്തിലെ ചക്കുവള്ളം, കുമളി, വണ്ടിപ്പെരിയാർ, പീരുമേട് പഞ്ചായത്തുകളിൽ ഡീൻ കുര്യാക്കോസ് പ്രചാരണം നടത്തും.വൈകിട്ട് വണ്ടിപ്പെരിയാറിൽ നടക്കുന്ന പീരുമേട് തെരഞ്ഞെടുപ്പ് കൺവെൻഷൻ കോൺഗ്രസ്‌ വർക്കിംഗ് കമ്മിറ്റി അംഗം രമേശ്‌ ചെന്നിത്തല ഉദ്ഘാടനം ചെയ്യും.