വാർദ്ധക്യ കാലഘട്ടത്തിലുള്ള മാനസിക - ശാരീരിക വെല്ലുവിളികൾ , ഏകാന്തത, വാർദ്ധക്യ ജനത അനുഭവിക്കുന്ന അരക്ഷിത ബോധം, രോഗാതുരത തുടങ്ങിയ പ്രശ്നങ്ങൾ നേരിട്ട് മനസ്സിലാക്കുന്നതിനും അവയെകുറിച്ച് ആഴത്തിൽ പഠിക്കുന്നതിനും അങ്ങനെ ഉന്നത വിദ്യാഭ്യാസം ലക്ഷ്യമിടുന്ന സാമൂഹിക മൂല്യങ്ങൾ മുറുകെ പിടിക്കുന്നതിലൂടെ വിദ്യാർത്ഥി സമൂഹത്തിന് അവബോധം സൃഷ്ടിക്കുന്നതിനും, സ്നേഹത്തണലിലെ അംഗങ്ങളുടെ പ്രശ്നങ്ങൾ ദുരീകരിക്കുന്നതിനുള്ള എല്ലാവിധ മാനസിക പിന്തുണ നൽകുന്നതിനും, അവരുടെ സാമൂഹികക്ഷേമ പ്രവർത്തനങ്ങൾക്ക് കൈത്താങ്ങായി നിലകൊള്ളുന്നതിനും ആണ് 

ഈ സന്ദർശനം ലക്ഷ്യമിട്ടത്. കാഞ്ചിയാറ്റിൽ വയോജനങ്ങളുടെ ഉന്നമനം ലഷ്യമിടുന്ന കൂട്ടായമയാണ് സ്നേഹത്തണൽ. കട്ടപ്പന ഗവൺമെൻ്റ് കോളേജിലെ ഇക്കണോമിക്സ് സോഷ്യൽ എക്സ്റ്റൻഷൻ പ്രോഗ്രാമിന്റെ ഭാഗമായി കുട്ടികളും അധ്യാപകരും പഠനവിധേയമാക്കുന്നത് സ്നേഹത്തണൽ കൂട്ടായ്മയാണ്. ഈ കൂട്ടായ്മക്ക് നേതൃത്വം വഹിക്കുന്നത് കാഞ്ചിയാർ പഞ്ചായ അംഗം സന്ധ്യ ജയനാണ്. കൂട്ടായ്മയുടെ യോഗം കാഞ്ചിയാർ ലൂർദ്ദ് മാതാ പള്ളി ഓഡിറ്റോറിയത്തിലാണ് സംഘടിപ്പിച്ചത്. പരിപാടി ലബ്ബക്കട ലൂർദ്ദ് മാതാ ചർച്ച് വികാരി റവ.ഫാദർ ജിൻസ് കരിന്തേൽ ഉദ്ഘാടനം ചെയ്തു.

യോഗത്തിൽ വയോജനങ്ങളും കുട്ടികളും വിവിധ കലാപരിപാടികൾ അവതരിപ്പിച്ചു.കലാപരിപാടിയും ഒത്തുചേരലും വേറിട്ട ഒരനുഭവമാക്കി മാറ്റുന്നതിനും ഒരു ദിവസം മറ്റെല്ലാ തിരക്കുകളും മാറ്റി വച്ച് ഒന്നിച്ചു കൂടുന്നതിനും വയോജനങ്ങൾക്കും കഴിഞ്ഞു. യോഗത്തിൽ സ്നേഹത്തണൽ പ്രസിഡൻ്റെ അഡ്വ പി സി തോമസ് അധ്യക്ഷനായിരുന്നു.

സെക്രട്ടറി സന്ധ്യ ജയൻ ,കട്ടപ്പന ഗവൺമെൻ്റ് കോളേജ് വിഭാഗം മേധാവി ഡോ. രാജേഷ് ജോർജ് മുഖ്യപ്രഭാഷണം നടത്തി.ഡോ. അരുൺ കുമാർ ടി എ ,ജയ്സൺ അഗസ്റ്റിൻ, രാജു എന്നിവർ പരിപാടിയിൽ പങ്കെടുത്തു സംസാരിച്ചു.