ഇടുക്കി കുമളിയിൽ പോലീസ് ഉദ്യോഗസ്ഥന് മർദ്ദനം. കുമളി സ്റ്റേഷനിലെ എസ്.ഐ ഷെഹീർ ഷായ്ക്കാണ് മർദ്ദനമേറ്റത്
കുമളി ടൗണിനോട് ചേർന്നുള്ള കോളനിയിൽ അതിക്രമം കാണിച്ച യുവാവാണ് കുമളി പോലീസ് സ്റ്റേഷനിലെ എസ്.ഐ ഷെഹീർ ഷാ യെ മർദ്ധിച്ചത്. ഇന്നലെയാണ് കേസിനാസ്പദമായ സംഭവം. നൈറ്റ് പെട്രോളിംഗിലുണ്ടായിരുന്ന എസ്.ഐ ഷെഹീർ ഷാ സ്റ്റേഷനിൽ നിന്നും വിവരം ലഭിച്ചതിനെ തുടർന്നാണ് കുമളി ടൗണിനോട് ചേർന്നുള്ള റോസപ്പൂക്കണ്ടത്ത് എത്തിയത്. പ്രദേശത്ത് ഭീകരാന്തരീക്ഷം സൃഷ്ടിച്ച് ശരീരമാസകലം ചോരക്കറയുമായി നിന്നിരുന്ന റോസപ്പൂക്കണ്ടം സ്വദ്ദേശി ബാബുവിനെ ആശുപത്രിയിലെത്തിക്കാൻ ശ്രമിച്ചു. ഇതിന് കൂട്ടാകാതിരുന്ന ബാബു അപ്രതീക്ഷിതമായി എസ്.ഐ യെ ആക്രമിക്കുകയായിരുന്നു.ചെവിക്കും തലക്കും പരിക്കേറ്റ എസ് ഐ ഷെഹീർ ഷായെ ഉടൻ സമീപത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു. തുടർന്ന് നടത്തിയ പരിശോധനയിൽ ചെവിക്ക് സാരമായി പരിക്കേറ്റിട്ടുണ്ടെന്ന് കണ്ടതിനെ തുടർന്ന് എസ്.ഐ യ്ത് വിദഗ്ദ്ധ ചികിത്സ നിർദ്ദേശിച്ചു. അതെ സമയം എസ്.ഐ യെ ആക്രമിച്ച ബാബു ഒളിവിലാണ്.
.jpeg)
