കട്ടപ്പന ഓസാനാം ഇംഗ്ലീഷ് മീഡിയം സ്കൂളിലെ 2023-24 വർഷത്തിലെ എസ് പി സി പാസിംഗ് ഔട്ട് പരേഡ് നടന്നു

കട്ടപ്പന ഓസാനം ഇംഗ്ലീഷ് മീഡിയം സ്കൂളിലെ 2023-24 വർഷത്തിലെ എസ് പി സി പാസിംഗ് ഔട്ട് പരേഡ് നടന്നു. കട്ടപ്പന ഡിവൈഎസ്പി പി വി ബേബി മുഖ്യാതിഥിയായി സല്യൂട്ട് സ്വീകരിച്ചു.പരിശീലനം പൂർത്തിയാക്കിയ കേഡറ്റുകൾ അച്ചടക്കത്തോടെയും ആത്മനിയന്ത്രണത്തോടെയും പരേഡ് നടത്തി. കമാൻഡറായ ജിയന്നാ തോമസിൻ്റെ നേതൃത്വത്തിൽ സെക്കൻഡ് ഇൻ കമാൻഡ് റോയൽ റോയി, പ്ലാറ്റൂൺ കമാൻഡർമാരായ നീരജ് കെ അരുൺ, അന്ന മരിയ ബിനു എന്നിവർ പരേഡ് നയിച്ചു. കട്ടപ്പന നഗരസഭാ ചെയർപേഴ്സൺ ബീന ടോമി,വാർഡ് കൗൺസിലർ സോണിയ ജയ്ബി,പ്രിൻസിപ്പാൾ ഫാ. മനു കെ. മാത്യു ,മാനേജർ ഫാ. ജോസ് മാത്യു പറപ്പള്ളിയിൽ, എസ് പി സി ജില്ലാ കോർഡിനേറ്റർ. എസ്. ആർ. സുരേഷ് ബാബു, കട്ടപ്പന സി ഐ സുരേഷ്‌കുമാർ എൻ. എസ് പി സി പരിശീലകരായ ജിൻസ് വർഗീസ്,ബിബിന , ഷാജി, അഞ്ജു ,പി ടി എ പ്രസിഡൻ്റ് ധന്യ സുരേഷ് എന്നിവർ പങ്കെടുത്തു. ഒരു വയറൂട്ടാം വിശപ്പടക്കാം, ജീവധാര, ഭിന്നശേഷികുട്ടികൾക്കൊരു സാന്ത്വനം, മഴക്കുഴി നിർമാണം, ശുഭയാത്ര, സൗജന്യ നേത്ര ക്യാമ്പ്, നീർത്തട ശുചീകരണം തുടങ്ങി സേവന പ്രവർത്തനങ്ങളിൽ മികച്ച പ്രകടനം കാഴ്ചവെച്ച കേഡറ്റുകൾക്ക് ചടങ്ങിൽ പുരസ്കാരം നൽകി. മികച്ച കേഡറ്റായി തിരഞ്ഞെടുത്ത എം ആർ പാർവ്വതിയെയും കമാൻ്റർമാർക്കും ട്രോഫികൾ വിതരണ ചെയ്തു. 2023-24 വർഷത്തെ പാസിംഗ് ഔട്ട് പരേഡിൽ രക്ഷിതാക്കൾ പിടിഎ അംഗങ്ങൾ എന്നിവർ പങ്കെടുത്തു.