വനിതാരത്ന പുരസ്‌കാരം 2023 ന് അപേക്ഷിക്കാം
വിവിധമേഖലകളില്‍ പ്രാവീണ്യം തെളിയിച്ച വനിതകളെ ആദരിക്കുന്നതിനായി സംസ്ഥാന സര്‍ക്കാര്‍ നല്‍കുന്ന വനിതാരത്ന പുരസ്‌കാരത്തിന് അപേക്ഷ ക്ഷണിച്ചു. സാമൂഹ്യസേവനം, കായികരംഗം, പ്രതികൂല സാഹചര്യങ്ങളെ അതിജീവിച്ച് ജീവിതവിജയം നേടിയ വനിത, സ്ത്രീകളുടെയും കുട്ടികളുടെയും ശാക്തീകരണം, വിദ്യാഭ്യാസമേഖലകളിലും ശാസ്ത്രസാങ്കേതിക മേഖലയിലും വ്യക്തിമുദ്ര പതിപ്പിച്ച വനിത എന്നീ മേഖലയില്‍പ്പെട്ടവര്‍ക്കാണ് വനിതാരത്ന പുരസ്‌കാരം നല്‍കുന്നത്.പ്രവര്‍ത്തനമേഖലകളില്‍ കാഴ്ചവെച്ചിട്ടുളള വ്യത്യസ്തവും, നൂതനവുമായ പ്രവര്‍ത്തനങ്ങള്‍, നേട്ടങ്ങള്‍, പുരസ്‌കാരങ്ങള്‍ എന്നിവയെ സംബന്ധിച്ച വിശദവിവരങ്ങള്‍, രേഖകള്‍, ഹ്രസ്വചിത്രീകരണം, പുസ്തകം, സി.ഡി, ഫോട്ടോ, പത്രക്കുറിപ്പ് എന്നിവ അപേക്ഷയോടൊപ്പം ഉള്‍പ്പെടുത്തണം. പുരസ്‌കാരജേതാവിന് 1 ലക്ഷം രൂപയും ശില്പവും പ്രശസ്തിപത്രവും നല്‍കും. മേഖലകളില്‍ പ്രവര്‍ത്തിക്കുന്ന വനിതകളില്‍, അവാര്‍ഡിനായി അപേക്ഷിക്കുവാന്‍ താല്‍പര്യമുള്ളവര്‍ ജില്ലാ വനിതാശിശുവികസന ഓഫീസില്‍ ഫെബ്രുവരി 5ന് മുന്‍പ് അപേക്ഷ സമര്‍പ്പിക്കണം. ഫോണ്‍ 04862 299475.
.jpeg)
