.jpg)
75 ാമത് റിപ്പബ്ലിക് ദിനാഘോഷം; മന്ത്രി റോഷി അഗസ്റ്റിന്‍ പതാക ഉയര്‍ത്തും
രാജ്യത്തിന്റെ 75ാമത് റിപ്പബ്ലിക് ദിനം ജില്ലയില്‍ സമുചിതമായി ആഘോഷിക്കാന്‍ എഡിഎമ്മിന്റെ അധ്യക്ഷതയില്‍ കളക്ടറേറ്റില്‍ ചേര്‍ന്ന കൂടിയാലോചന യോഗത്തില്‍ തീരുമാനിച്ചു. ജനുവരി 26 ന് രാവിലെ 9 മണിക്ക് ഇടുക്കി ഐ.ഡി.എ. ഗ്രൗണ്ടില്‍ ജലവിഭവ വകുപ്പ് മന്ത്രി റോഷി അഗസ്റ്റിന്‍ പതാക ഉയര്‍ത്തി സന്ദേശം നല്‍കും.
റിപ്പബ്ലിക് ദിന പരേഡില്‍ 17 പ്ലറ്റൂണുകളിലായി 500 ഓളം പേര്‍ അണിനിരക്കും. പോലീസ്, വനംവകുപ്പ്. എക്സൈസ്, ഫയര്‍ഫോഴ്സ് എന്നിവ കൂടാതെ എന്‍ സി സി, സ്റ്റുഡന്റ് പൊലീസ്, സ്‌കൗട്ട്സ്, ഗൈഡ്സ് എന്നിവ പരേഡില്‍ അണിനിരക്കും. കട്ടപ്പന ഗവ. കോളേജ്, പൈനാവ് കേന്ദ്രീയ വിദ്യാലയം, കുളമാവ് നവോദയ വിദ്യാലയം എന്നിവിടങ്ങളിലെ വിദ്യാര്‍ഥികള്‍ പരേഡില്‍ പങ്കെടുക്കും. ഹരിതചട്ടം പാലിച്ചാവും റിപ്ലബ്ലിക് ദിനാഘോഷം.
.jpeg)
.jpeg)
പരേഡിനുള്ള പരിശീലനവും റിഹേഴ്സലും 23 ന് രാവിലെ 8 മണിക്ക് ഐ ഡി എ മൈതാനത്ത് ആരംഭിക്കും. പൊലീസ്, പൊതുമരാമത്ത് വകുപ്പ്, വാട്ടര്‍ അതോറിറ്റി, സിവില്‍ സപ്ലൈസ് വകുപ്പ്, കെ എസ് ഇ ബി, ആരോഗ്യവകുപ്പ്, വാഴത്തോപ്പ്, മരിയാപുരം പഞ്ചായത്തുകള്‍, ഇടുക്കി താലൂക്ക് ഓഫീസ് എന്നിവ പരേഡിനാവശ്യമായ സജ്ജീകരണങ്ങള്‍ മൈതാനത്ത് ഒരുക്കും. ഇതിന് വകുപ്പുകള്‍ക്ക് എഡിഎം നിര്‍ദേശം നല്‍കി.
കളക്ടറേറ്റ് കോണ്‍ഫറന്‍സ് ഹാളില്‍ വെള്ളിയാഴ്ച വൈകിട്ട് മൂന്ന് മണിക്ക് ചേര്‍ന്ന യോഗത്തില്‍ എ ഡി എം ഷൈജു പി ജേക്കബ്, ഇടുക്കി, തൊടുപുഴ തഹസീല്‍ദാര്‍മാര്‍, ജില്ലയിലെ വിവിധ വകുപ്പ് മേധാവികള്‍, തദ്ദേശസ്ഥാപനങ്ങളിലെ ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.
