കെപിസിസി യുടെ നേതൃത്വത്തിൽ നാളെ വണ്ടിപ്പെരിയാറിൽ സ്ത്രീജ്വാല സംഘടിപ്പിക്കുമെന്ന് മാത്യു കുഴൽനാടൻ എം എൽ എ .'മകളെ മാപ്പ്' എന്ന പേരിലാണ് പരിപാടി സംഘടിപ്പിക്കുന്നത്.വണ്ടിപ്പെരിയാറിൽ കുറ്റാരോപിതൻ രക്ഷപെട്ടത് അട്ടിമറിയുടെ ഭാഗമായാണ്.പോസ്റ്റ്‌മോർട്ടം ഒഴിവാക്കാൻ പീരുമേട് MLA ശ്രമിച്ചു. പോസ്റ്റ്‌ മോർട്ടം ഒഴിവാക്കാൻ പ്രതി തന്നെ പരിശ്രമിച്ചിരുന്നു.

അതിന്റെ തുടർച്ചയായിരുന്നു MLA യുടെ ഇടപെടൽ.സമൂഹത്തിനെതിരെയുള്ള കുറ്റകൃത്യമായി ഇതിനെ കാണണം.പ്രോസിക്യൂട്ടറെ നിയമിക്കുന്നതിൽ അട്ടിമറി നടന്നു.ഇടുക്കിയിൽ നിന്നും കൊടുത്ത മൂന്ന് പേരുകൾ പരിഗണിച്ചില്ല.പകരം നിയമിച്ചത് ആലപ്പുഴയിൽ നിന്നുള്ള അഭിഭാഷകനെയാണ്.

ഇദ്ദേഹം ഇടത് രാഷ്ട്രീയമുള്ളയാളാണ്.പ്രതിയായിരുന്നു അർജുൻ DYFI ക്കാരനാണ്. പ്രതി രക്ഷപെട്ടതിൽ  സംശയങ്ങൾ നിഴലിച്ച് നിൽക്കുന്നു. സർക്കാർ ഇക്കാര്യത്തിൽ വിശദീകരണം നൽകണം.കേസിൽ പുനരന്വേഷണം നടത്തണം എന്നാണ് കോൺഗ്രസിന്റെ ആവശ്യം.

മികച്ച ഉദ്യോഗസ്ഥനെ ചുമതല ഏൽപ്പിക്കണം.പിതാവിനെ കുത്തിപരിക്കേല്പിച്ച പ്രതിയെ സിപിഐഎം സംരക്ഷിക്കാൻ ശ്രമിക്കുകയാണ്.

കുട്ടിയെ കൊലപ്പെടുത്തിയ പ്രതിയെയും രക്ഷപ്പെടുത്തിയത് സിപിഐഎം ആണെന്നും മാത്യു കുഴൽനാട് തൊടുപുഴയിൽ ആരോപിച്ചു.