കേരളപ്പിറവി ദിനത്തിൽ കട്ടപ്പന സഹകരണ ആശുപത്രി കട്ടപ്പന പുതിയ ബസ് സ്റ്റാൻഡിൽ സംഘടിപ്പിച്ച ആഘോഷ പരിപാടികൾ യാത്രക്കാർക്ക് വേറിട്ട അനുഭവമായി
സഹകരണ ആശുപത്രിയിലെയും അനുബന്ധസ്ഥാപനങ്ങളിലെയും ജീവനക്കാരും കോ ഓപ്പറേറ്റീവ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ വിദ്യാർഥികളും അവതരിപ്പിച്ച ഫ്‌ളാഷ് മോബ് കാണാൻ നിരവധിപേർ ഒത്തുകൂടി. തുടർന്ന് കേരളചരിത്രത്തെ ആസ്പദമാക്കി പൊതുജനങ്ങൾക്കായി ക്വിസ് മത്സരവും സംഘടിപ്പിച്ചു.
വ്യാപാരികളും വിദ്യാർഥികളും കടകളിലെ ജീവനക്കാരും ഉൾപ്പെടെ നിരവധി പേർ പങ്കെടുത്തു. വിജയികൾക്ക് സഹകരണ ആശുപത്രിയുടെ ഗിഫ്റ്റ് വൗച്ചറും സമ്മാനമായി നൽകി. വൗച്ചർ ഉപയോഗിച്ച് സഹകരണ ആശുപത്രിയുടെ കട്ടപ്പന, തങ്കമണി, ബഥേൽ, വണ്ടിപ്പെരിയാർ, ചേറ്റുകുഴി, ഉപ്പുതറ, മേരികുളം എന്നിവിടങ്ങളിലെ ആശുപത്രികളിലെ ചികിത്സ ചെലവുകളിൽ ഇളവ് നേടാം.
മാനേജിങ് ഡയക്ടർ സജി തടത്തിൽ, മാർക്കറ്റിങ്‌ മാനേജർ എ അഭിലാഷ്‌, റിലേഷൻഷിപ്പ്‌ മാനേജർ ജസ്റ്റിൻ ബേബി, എച്ച്ആർ വിഭാഗം മാനേജർ അരുൺ ജെയിംസ്, ഫാർമസി മാനേജർ പ്രവീൺകുമാർ, സിംസ് വൈസ് പ്രിൻസിപ്പൽ ഡോണിയ സെബാസ്റ്റ്യൻ എന്നിവർ നേതൃത്വം നൽകി.
.jpeg)
