കോൺഗ്രസ് പിന്തുടരുന്നത് ബൂർഷ്വാ വീക്ഷണമെന്ന് സിഐടിയു ജില്ലാ സെക്രട്ടറി കെ എസ് മോഹനൻ
കോൺഗ്രസ് പിന്തുടരുന്നത് ബൂർഷ്വാ വീക്ഷണമെന്ന് സിഐടിയു ജില്ലാ സെക്രട്ടറി കെ എസ് മോഹനൻ .കെ എസ് ബി സി എസ് എ ഇടുക്കി ജില്ലാ സമ്മേളനം ഉദ്ഘാടനം ചെയ്തു ചെറുതോണിയിൽ പ്രസംഗിക്കുകയായിരുന്നു അദ്ദേഹം.
ഡിസംബർ 17ന് പാലക്കാട് വച്ച് നടക്കുന്ന കേരള സ്റ്റേറ്റ് ബീവറേജസ് കോർപ്പറേഷൻ സ്റ്റാഫ് അസോസിയേഷന്റെ 19 മത് സംസ്ഥാന സമ്മേളനത്തിന് മുന്നോടിയായിട്ടാണ് നാലാമത് കെ എസ് ബി സി എസ് എ ഇടുക്കി ജില്ലാ സമ്മേളനം നടന്നത്. ചെറുതോണി പോലീസ് അസോസിയേഷൻ ഹാളിൽ വച്ചാണ് സമ്മേളനം സംഘടിപ്പിച്ചത്.
.jpeg)
ജില്ലാ പ്രസിഡണ്ട് ജയ്സൺ ജോസഫ് അധ്യക്ഷത വഹിച്ചു. പതാക ഉയർത്തലോടെ ആണ് കെ എസ് ബി സി എസ് എ ജില്ലാ സമ്മേളനം ആരംഭിച്ചത്. തുടർന്ന് രക്തസാക്ഷി മണ്ഡപത്തിൽ പുഷ്പാർച്ചനയും നടന്നു. നേതാക്കന്മാരായ റെജിൻ ജോൺ , അനിജ എൻ , അനൂപ് പീറ്റർ ,ഷാജു എ, ശിവറാം കെ, കെ എസ് ശ്രീക്കുട്ടൻ, സജീവ് എസ് , ജയേഷ് പിജി, സ്മിത കെ എം തുടങ്ങിയവർ പ്രസംഗിച്ചു.
