തിരികെ സ്കൂളിലേക്ക് ക്യാമ്പയിന്‍റെ സി.ഡി.എസ് തല റിസോഴ്സ് പേഴ്സൺമാരുടെ പരിശീലനം കട്ടപ്പനയിൽ നടന്നു
കുടുംബശ്രീയുടെയും പൊതു വിദ്യാഭ്യസ വകുപ്പിന്‍റെയും സഹകരണത്തൊടെ നടപ്പിലാക്കുന്ന തിരികെ സ്കൂളിലേക്ക് ക്യാമ്പയിന്‍റെ സി.ഡി.എസ് തല റിസോഴ്സ് പേഴ്സൺമാരുടെ പരിശീലനം കട്ടപ്പനയിൽ നടന്നു.എല്ലാ സി ഡി എസിനു കീഴിലും ഒക്ടോബർ 1 മുതൽ ഡിസംബർ 10 വരെ തിരികെ സ്കൂളിലേക്ക് ക്യാമ്പയ്ൻ നടത്തുവാനാണ് പദ്ധതിയിട്ടിരിക്കുന്നത്. 25 വർഷം പിന്നിട്ട കുടുംബശ്രീ സംഘടനാ സംവിധാനത്തെ കൂടുതൽ മെച്ചപ്പെടുത്തുന്നതിനും പുതിയ കാലത്തിന്റെ സാധ്യതകൾ പരമാവധി പ്രയോജനപ്പെടുത്തി പ്രാപ്തമാക്കുകയുമാണ് ലക്ഷ്യം.കട്ടപ്പന സി ഡി എസിന് കീഴിലെ ബ്ലോക്ക് പരിശീലനം കട്ടപ്പന നഗരസഭ അധ്യക്ഷ ഷൈനി സണ്ണി ചെറിയാൻ ഉദ്ഘാടനം ചെയ്തു.
കട്ടപ്പന ബ്ലോക്ക് സി ഡി എസ് ചെയർപേഴ്സൺമാർ, കുടുംബശ്രീ ജില്ലാ മിഷൻ സ്റ്റാഫുകൾ തുടങ്ങിയവർ പങ്കെടുത്തു. ബ്ലോക്കിന്റെ കീഴിലെ ആറ് പഞ്ചായത്തുകൾ,നഗര സഭ എന്നിവിടങ്ങളിൽ നിന്നുള്ള റിസോഴ്സ് പേഴ്സൺമാർ പങ്കെടുത്തു.
.jpeg)
