.jpg)
നിയമസഭാ തിരഞ്ഞെടുപ്പ് നിരീക്ഷകര് ജില്ലയിലെത്തി
*നിയമസഭാ തിരഞ്ഞെടുപ്പ് നിരീക്ഷകര് ജില്ലയിലെത്തി*നിയമസഭാ തിരഞ്ഞെടുപ്പുമായി ബന്ധപ്പെട്ട് നിയോഗിച്ച നിരീക്ഷകര് ജില്ലയിലെത്തി. ജില്ലാ കളക്ടര് ഡോ. ദിനേശന് ചെറുവാട്ട്, ജില്ലാ പൊലീസ് മേധാവി കെ.എം.സാബു മാത്യു എന്നിവര് ചേര്ന്ന് നിരീക്ഷകരെ സ്വീകരിച്ചു. വിവിധ നിയമസഭാ മണ്ഡലങ്ങളുടെ ചുമതലയുള്ള പൊതു നിരീക്ഷകരായ ദീപ്തി ഉപ്പല്,ഹര്ഷദ്കുമാര് ആര്.പട്ടേല്, തിരഞ്ഞെടുപ്പ് ചെലവ് നിരീക്ഷകരായ ആഷിഷ് കുമാര്, നമിത പട്ടേല് എന്നിവരാണ് ജില്ലയിലെത്തിയത്. ജില്ലയില് തിരഞ്ഞെടുപ്പുമായി ബന്ധപ്പെട്ട കാര്യങ്ങള് കളക്ടറേറ്റില് ചേര്ന്ന യോഗത്തില് പൊതുനിരീക്ഷകര് വിലയിരുത്തി. എ.ഡി.എം എസ്. ശ്രീജിത്ത്, സബ് കളക്ടര് അനുപ് ഗാര്ഗ്, ഇലക്ഷന് ഡെപ്യൂട്ടി കളക്ടര് ഷീബാ മാത്യു, ഡെപ്യൂട്ടി കളക്ടര് അതുല് സ്വാമിനാഥന്, ഇലക്ഷന് നോഡല് ഓഫീസര്മാര് തുടങ്ങിയവര് പങ്കെടുത്തു.ഐ.എ.എസ് ഉദ്യോഗസ്ഥരായ ദീപ്തി ഉപ്പല് (തൊടുപുഴ, ദേവികുളം നിയോജകമണ്ഡലങ്ങള്),ഹര്ഷദ്കുമാര് ആര്.പട്ടേല് (ഇടുക്കി, ഉടുമ്പന്ചോല, പീരുമേട്) എന്നിവരാണ് ജില്ലയിലേക്ക് നിയോഗിച്ച പൊതു നിരീക്ഷകര്. ഐ.പി. എസ് ഉദ്യോഗസ്ഥനായ പവന് കുമാറാണ് പൊലീസ് ഒബ്സര്വര്. ഐ. ആര്. എസ് ഉദ്യോഗസ്ഥനായ ആഷിഷ് കുമാര് (തൊടുപുഴ, പീരുമേട്), നമിത പട്ടേല് (ദേവികുളം, ഉടുമ്പന്ചോല) എന്നിവരാണ് ചെലവ് നിരീക്ഷകര്. പൊതു ജനങ്ങള്ക്ക് നേരിട്ടും ഫോണ് മുഖേനയും ഓഫീസ് സമയങ്ങളില് നിരീക്ഷകരെ ബന്ധപ്പെടാം.നിരീക്ഷകരുടെ ഫോണ് നമ്പര്:ദീപ്തി ഉപ്പല്: 9596611533ഹര്ഷദ്കുമാര് ആര്.പട്ടേല്: 9978401531പവന് കുമാര്: 7409889888ആഷിഷ് കുമാര്: 7979967971നമിത പട്ടേല്: 9828100813ചിത്രം: ജില്ലാ കളക്ടറേറ്റിലെത്തിയ തിരഞ്ഞെടുപ്പ് നിരീക്ഷകരെ ജില്ലാ കളക്ടര് ഡോ. ദിനേശന് ചെറുവാട്ട് സ്വീകരിക്കുന്നുചിത്രം1: ജില്ലാ കളക്ടറേറ്റില് കളക്ടര് ഡോ. ദിനേശന് ചെറുവാട്ടിന്റെ അദ്ധ്യക്ഷതയില് നടന്ന യോഗത്തില് തിരഞ്ഞെടുപ്പ് നിരീക്ഷകര് പങ്കെടുക്കുന്നു
.jpeg)
