.jpg)
.jpg)
.jpg)
36-ാമത് ഇടുക്കി റവന്യൂ ജില്ലാ സ്കൂൾ കലോത്സവം മുരിക്കാശ്ശേരിയിൽ പുരോഗമിക്കുമ്പോൾ 740 പോയിൻ്റുകളോടെ കട്ടപ്പന ഉപജില്ല മുന്നിൽ
പതിനൊന്ന് വേദികളിലായാണ് മത്സരങ്ങൾ നടക്കുന്നത് . നാടോടി നൃത്തം, തിരുവാതിര, സംഘ നൃത്തം, തമിഴ് കലോത്സവം, ഒപ്പന തിരുവാതിര മാപ്പിളപ്പാട്ട് ഉൾപ്പെടെ യുള്ള ജനപ്രിയ ഇനങ്ങളാണ് ഇന്ന് നടന്നത്. നാല് ദിവസങ്ങൾ പിന്നിട്ടപ്പോൾ ആദ്യഘട്ടത്തിൽ മുന്നിൽ നിന്നിരുന്ന അടിമാലിയെ പിന്നിലാക്കിക്കൊണ്ട് 770 പോയിൻ്റുകൾ നേടി കട്ടപ്പന ഉപജില്ല ഒന്നാമതെത്തി. 769 പോയിൻ്റ് നേടിയ തൊടുപുഴയാണ് ഇപ്പോൾ രണ്ടാം സ്ഥാനത്തുള്ളത്. ഇഞ്ചോടിഞ്ച് പോരാട്ടമാണ് കട്ടപ്പനയും, തൊടുപുഴയും തമ്മിൽ നടന്നു വരുന്നത്. ചുരുക്കം ചില അപ്പീലുകൾ വന്നെങ്കിലും കാര്യമായ തർക്കങ്ങൾ ഇല്ലാതെയാണ് കലോത്സവം പുരോഗമിക്കുന്നത്.
കലോത്സവത്തിന്റെ അവസാന ദിനമായ ഇന്ന് മാർഗംകളി, ബാൻഡ് മേളം, കഥാപ്രസംഗം, യക്ഷഗാനം, പൂരക്കളി, മോഹിനിയാട്ടം, കേരള നടനം, എന്നിവയുടെ മത്സരങ്ങളാണ് വിവിധ വേദികളിലായി നടക്കുന്നത് .വൈകിട്ട് നടക്കുന്ന സമാപന സമ്മേളനം ഇടുക്കി ജില്ലാ കളക്ടർ ഡോ. ദിനേശൻ ചെറുവാട്ട് ഉദ്ഘാടനം ചെയ്യും.
