.jpg)
.jpg)
.jpg)
കൊക്കയാർ പഞ്ചായത്തിൽ എംപി-യുടെ നേതൃത്വത്തിൽ നിർമ്മിച്ചു നൽകുന്ന വീടുകളുടെ താക്കോൽദാനം നവംബർ മൂന്നിന് നടക്കും – അഡ്വ. ഡീൻ കുര്യാക്കോസ് എം.പി
ഇടുക്കി/തൊടുപുഴ/പീരുമേട്/മുണ്ടക്കയം : 2021ലെ പ്രളയത്തിൽ പൂർണ്ണമായും തകർക്കപ്പെട്ട കൊക്കയാർ പഞ്ചായത്തിൽ ഇടുക്കി എം.പി അഡ്വ. ഡീൻ കുര്യാക്കോസിന്റെ നേതൃത്വത്തിൽ നിർമ്മിച്ചു നൽകുന്ന പതിനെട്ട് വീടുകളുടെ താക്കോൽദാനം നാളെ നവംബർ മൂന്നാം തീയതി ഉച്ചകഴിഞ്ഞ് 3 മണിക്ക് നാരകംപുഴ സി.എസ്.ഐ പാരീഷ് ഹാളിൽ വെച്ച് എ.ഐ.സി.സി ജനറൽ സെക്രട്ടറി ദീപാദാസ് മുൻഷി നിർവ്വഹിക്കുന്നതാണ്.
അഡ്വ. ഡീൻ കുര്യാക്കോസ് എം.പി അധ്യക്ഷത വഹിക്കുന്ന യോഗത്തിൽ രാഷ്ട്രീയ-സാമൂഹ്യ-സാസ്കാരിക രംഗങ്ങളിലെ പ്രമുഖർ പങ്കെടുക്കും. എം.പി യുടെ നേതൃത്വത്തിലുള്ള ഇടുക്കി കെയർ ഫൌണ്ടേഷൻ വിവിധ സന്നദ്ധ സംഘടനകളുമായും, സുമനസ്സുകളായ വ്യക്തികളുമായും സഹകരിച്ചാണ് വീടുകളുടെ നിർമ്മാണം പൂർത്തീകരിച്ചിട്ടുള്ളത്.
വീടുകളുടെ ഉദ്ഘാടനം നടക്കുന്ന വേളയിൽ ഇത് പൂർത്തീകരിക്കുന്നതിന് സഹായസഹകരണങ്ങൾ നൽകിയ സ്ഥാപനങ്ങൾക്കും വ്യക്തികൾക്കും നന്ദി അറിയിക്കുന്നതായി എം.പി പറഞ്ഞു.
