ജില്ലയിലെ എല്ലാ യുണിറ്റിലും അതാത് വർഷത്തെ വാർഷിക അവലോകന പൊതുയോഗം നടത്തണമെന്ന ജില്ലാ കമ്മറ്റിയുടെ നിർദേശപ്രകാരം വ്യാപാരി വ്യവസായി ഏകോപന സമിതി രാജകുമാരി യൂണിറ്റിന്റെ 2024-25 വർഷത്തെ വാർഷിക പൊതുയോഗം നടന്നു.സാമ്പത്തിക മാന്ദ്യം മൂലം കച്ചവടത്തിലുണ്ടായകുറവും വഴിയോര കച്ചവടവും ഓൺ ലൈൻ വ്യാപാരവും ചെറുകിട വ്യാപാരികളെ തകർച്ചയിൽ എത്തിച്ചിരിക്കുന്ന സാഹചര്യത്തിലാണ് വാർഷിക പൊതുയോഗം സംഘടിപ്പിച്ചത്.

 പ്രതിസന്ധികളെ തരണം ചെയ്യുന്നതിനുള്ള മാർഗനിർദേശങ്ങൾ യോഗം വിലയിരുത്തി വ്യാപാരികൾക്കായി നടപ്പിലാക്കുന്ന വിവിധ പദ്ധതികളും യോഗം ചർച്ച ചെയ്‌തു. രാജകുമാരി വ്യാപാര ഭവൻ ഓഡിറ്റോറിയത്തിൽ നടന്ന വാർഷിക പൊതുയോഗം ജില്ലാ പ്രസിഡന്റ് സണ്ണി പൈമ്പിള്ളി ഉത്‌ഘാടനം ചെയ്‌തു. വീടില്ലാത്ത വ്യപാരികൾക്ക് സൗജന്യമായി വീട് നിർമ്മിച്ച് നൽകുമെന്നും ഒരു നിയോജക മണ്ഡലത്തിൽ ഒരു വീട് വീതമാണ് നൽകുന്നത് എന്നും അദ്ദേഹം പറഞ്ഞു.

ചടങ്ങിൽ യുണിറ്റ് പ്രസിഡന്റ് വി വി കുര്യാക്കോസിനെ ജില്ലാ കമ്മറ്റി ആദരിച്ചു.യുണിറ്റ് പ്രസിഡന്റ് വി വി കുര്യാക്കോസിന്റെ നേതൃത്വത്തിൽ നടന്ന വാർഷിക പൊതുയോഗത്തിൽ യുണിറ്റ് ജനറൽ സെക്രട്ടറി സോജൻ വർഗ്ഗിസ്‌ റിപ്പോർട്ട് അവതരിപ്പിച്ചു ജില്ലാ വൈസ് പ്രസിഡന്റ് വി എസ്‌ ബിജു മുഖ്യപ്രഭാഷണം നടത്തി. ജില്ലാ സെക്രട്ടറി റോയി വർഗ്ഗിസ്‌,നിയോജകമണ്ഡലം പ്രസിഡന്റ് പി ജെ ജോൺസൺ,ജില്ലാ ഓർഗനൈസർ സിബി കൊച്ചുവള്ളാട്ട്‌,യുണിറ്റ് വൈസ് പ്രസിഡന്റ് ജോഷി വർഗ്ഗിസ്‌,റിജോ കുര്യൻ,ഒ എ ജോൺ തുടങ്ങിയവർ പങ്കെടുത്തു.