.jpeg)
എം.സി. സ്മൃതി അനുസ്മരണവും നാടകവും നാളെ
പ്രശസ്ത അഭിനേതാവും സംസ്ഥാന അവാർഡ് ജേതാവുമായിരുന്ന എം.സി കട്ടപ്പനയുടെ ഒന്നാം ചരമവാർഷികം പ്രമാണിച്ച് കട്ടപ്പന പൗരാവലി സംഘടിപ്പിച്ചിരിക്കുന്ന എം.സി. അനുസ്മരണവും നാടകാവതരണവും നാളെ വൈകിട്ട് 4 ന് കട്ടപ്പന ഡി.എസ്.ഐ ഗാർഡനിൽ നടക്കും. അനുസ്മരണ സമ്മേളനത്തിൽ എം.സി.യുടെ സംഭാവനകൾ രേഖപ്പെടുത്തിയ"തിരശീല വീഴാത്ത ഓർമ്മകൾ" എന്ന പുസ്തകം പ്രകാശനം ചെയ്യും.
.jpg)
നടിയും സംവിധായികയുമായ ജെ. ശൈലജ അനുസ്മരണ പ്രഭാഷണം നടത്തും. രംഗപട കുലപതി ആർട്ടിസ്റ്റ് സുജാതൻ അനുസ്മരണ സമ്മേളനം ഉദ്ഘാടനം ചെയ്യും. നാടക സംവിധായകൻ മനോജ് നാരായണൻ പുസ്തകപ്രകാശനം നിർവ്വഹിക്കും.കട്ടപ്പന നഗരസഭ ചെയർപേഴ്സൺ ബീന ടോമി അദ്ധ്യക്ഷത വഹിക്കും. വിവിധ കലാ, സാംസ്കാരിക, സാമൂഹ്യ സംഘടനാ പ്രതിനിധികൾ പങ്കെടുക്കും. തുടർന്ന് സംഗീത നാടക അക്കാദമി നാടകോത്സവത്തിൽ അവതരിപ്പിക്കപ്പെട്ട കട്ടപ്പന ദർശനയുടെ നാടകം സെനീബ് അവതരിപ്പിക്കും.
