.jpg)
.jpg)
.jpg)
ഇടുക്കി മൂലമറ്റത്ത് പുരുഷൻറെ മൃതദേഹം കണ്ടെത്തി. വിജനമായ തേക്കിൻ കൂപ്പിൽ പായിൽ പൊതിഞ്ഞു കെട്ടിയ നിലയിലായിരുന്നു മൃതദേഹം
തൊടുപുഴ മൂലമറ്റത്തിന് സമീപം തേക്കിൻ കൂപ്പിലാണ് പായിൽ പൊതിഞ്ഞ് കെട്ടിയ നിലയിൽ പുരുഷ മൃതദേഹം കണ്ടെത്തിയത്.മൃതദേഹത്തിന് രണ്ട് ദിവസത്തോളം പഴക്കമുണ്ട്. കൊലപാതകമാകാം എന്ന പ്രാഥമിക നിഗമനത്തിലാണ് പോലീസ്. ശാസ്ത്രീയ പരിശോധനകൾക്ക് ശേഷം ആയിരിക്കും ഇക്കാര്യത്തിൽ കൂടുതൽ വ്യക്തത വരികയുള്ളൂ.
നാട്ടുകാരായിരുന്നു പായിൽ പൊതിഞ്ഞ രീതിയിൽ മൃതദേഹം കണ്ടെത്തിയത്. തുടർന്ന് പോലീസിൽ വിവരമറിയിക്കുകയായിരുന്നു. കോട്ടയം മേലുകാവ് സ്റ്റേഷൻ പരിധിയിൽപ്പെട്ട നിരവധി ക്രിമിനൽ കേസുകളിൽ ഉൾപ്പെട്ട ഒരാളെ കാണാനില്ലെന്ന് കേസുണ്ട്. ചിലപ്പോൾ അയാൾ ആയിരിക്കാം എന്ന സംശയവും പോലീസിനുണ്ട്.
തൊടുപുഴ ഡിവൈഎസ്പിയുടെ നേതൃത്വത്തിലുള്ള പോലീസ് സംഘം സ്ഥലത്ത് പരിശോധന നടത്തുകയാണ്. കോട്ടയത്ത് നിന്നുള്ള പോലീസ് സംഘം എത്തിയശേഷം ആയിരിക്കും കാണാതായ ആളാണോ എന്ന കാര്യത്തിൽ പോലീസിന്റെ ഭാഗത്തുനിന്ന് ഒരു വ്യക്തത വരികയുള്ളൂ.
