.jpg)
.jpg)
.jpg)
കോതമംഗലം കുട്ടമ്പുഴ ഉരുളന്തണ്ണിയില് യുവാവിനെ കാട്ടാന ചവിട്ടിക്കൊന്നു
ക്ണാച്ചേരി കോടിയാട്ട് എല്ദോസ് ആണ് മരിച്ചത്. രാത്രി എട്ട് മണിയോടെ ബസിറങ്ങി വീട്ടിലേക്ക് നടക്കുന്നതിനിടെയായിരുന്നു എൽദോസിനെ കാട്ടാന ആക്രമിച്ചത്. സ്ഥിരമായി ആളുകള് പോകുന്ന വഴിയില് വച്ചാണ് കാട്ടാനയുടെ ആക്രമണം ഉണ്ടായതെന്ന് നാട്ടുകാര് പറയുന്നു. ശരീരഭാഗങ്ങള് ചിന്നിച്ചിതറിയ നിലയിലാണ് കണ്ടെത്തിയത്. സംഭവത്തിന് പിന്നാലെ പ്രദേശത്ത് നാട്ടുകാർ പ്രതിഷേധിച്ചു.
സ്ഥലത്തെത്തിയ വനം വകുപ്പ് ഉദ്യോഗസ്ഥരെ നാട്ടുകാര് തടഞ്ഞ് വച്ചു. കാട്ടാന ആക്രമണം രൂക്ഷമായതോടെ, വനാതിര്ത്തിയില് വേലി സ്ഥാപിക്കണം എന്നത് നാട്ടുകാരുടെ ഏറെ നാളത്തെ ആവശ്യമായിരുന്നു. എന്നാല് വനം വകുപ്പ് ഇത് അവഗണിക്കുകയായിരുന്നെന്ന് നാട്ടുകാര് പറയുന്നു. വിവരമറിഞ്ഞ് പൊലീസ് സംഘം സ്ഥലത്ത് എത്തി.
