ജില്ലാ സ്പെഷ്യൽ സ്‌കൂൾ കലോത്സവം റെയിൻബോ വെള്ളയാംകുടി അസീസി സ്പെഷ്യൽ സ്കൂളിൽ തുടക്കമായി
സ്പെഷ്യൽ സ്‌കൂളുകളിൽ പഠിക്കുന്ന കുട്ടികൾക്ക് വിവിധങ്ങളായ അവരുടെ കഴിവുകൾ പ്രകടിപ്പിക്കുന്നതിനുള്ള വേദികളും അവസരങ്ങളും കുറവും പരിമിതവുമാണ്. ഇവരുടെ കഴിവുകളെ പ്രോത്സാഹി പ്പിക്കുന്നതിനായാണ് ഇടുക്കി ജില്ലയിലെ എല്ലാ സ്പെഷ്യൽ സ്‌കൂളുകളുകളെയും പങ്കെടുപ്പിച്ചുകൊണ്ട് വെള്ളയാംകൂടി അസീസി സ്പെഷ്യൽ സ് കൂളിൽ റോട്ടറി ക്ലബ്ബ് ഓഫ് കട്ടപ്പന റെയിൻബോ 2024 സംഘടിപ്പിച്ചിരിക്കുന്നത്.
റോട്ടറി ക്ലബ് ഓഫ് കട്ടപ്പനയുടെയും റോട്ടറി ആൻസ് ക്ലബ്ബിൻറെ ആഭിമുഖ്യത്തിലാണ് പരിപാടി സംഘടിപ്പിച്ചത് .കലോത്സവത്തിന്റെ ഭാഗമായി കട്ടപ്പന നഗരസഭ ചെയർപേഴ്‌സൺ ബീന ടോമി പതാക ഉയർത്തി .ഉച്ചകഴിഞ്ഞ് 2.30ന് വർണശബളമായ റാലി കട്ടപ്പന ഇടുക്കി കവലയിൽ നിന്നും ആരംഭിക്കും. 3.30ന് സമാപന സമ്മേളനം ജലവിഭവ വകുപ്പ് മന്ത്രി റോഷി അഗസ്റ്റിൻ ഉദ്ഘാടനം ചെയ്യും.
.jpeg)
