അടിമാലിയിൽ 6 കിലോ കഞ്ചാവുമായി മൂന്നു പേര്‍ പിടിയില്‍
അടിമാലി സ്വദേശികളായ ജെറിന്‍,ബൈജു, ഷമീര്‍ എന്നിവരെയാണ് അടിമാലി പോലീസ് അറസ്റ്റ് ചെയ്തത്. പോലീസിന് ലഭിച്ച രഹസ്യ വിവരത്തേ തുടര്‍ന്ന് മച്ചിപ്ലാവിന് സമീപത്ത് വച്ചാണ് ഓട്ടോ റിക്ഷയില്‍ കഞ്ചാവുമായി വരുമ്പോൾ പ്രതികൾ പിടിയിലായത്. ഇവർ ആലുവയില്‍ നിന്നുമാണ് കഞ്ചാവ് വാങ്ങിയതെന്ന് പോലീസ് പറഞ്ഞു. പ്രതികള്‍ മൂവരും മുന്‍പും നിരവധി കഞ്ചാവുകേസ്സിലെ പ്രതികളാണ്.
ഇവരെ അടിമാലി കോടതിയില്‍ ഹാജരാക്കി റിമാന്റ് ചെയ്തു. അടിമാലി എസ് എച്ച് ഒ പ്രിന്‍സ് ജോസഫിന്റെ നിര്‍ദേശപ്രകാരം എസ്.ഐമാരായ കെ.എസ് അബ്ദുള്‍ഖനി, കെ.ഡി മണിയന്‍, ഇ എഫ് സെബാസ്റ്റ്യന്‍, എസ് സി പി ഒ സുരേഷ്‌കുമാര്‍ എ പി എന്നിവരുടെ നേതൃത്വത്തിലുള്ള സംഘമാണ് പ്രതികളെ കസ്റ്റഡിയില്‍ എടുത്തത്.
.jpeg)
