വണ്ടൻമേട് പഞ്ചായത്തിലെ കടശിക്കടവില് സ്വകാര്യ വ്യക്തി പുറമ്പോക്ക് ഭൂമി കൈയേറുന്നതായി പരാതി

വണ്ടന്മേട് ഗ്രാമ പഞ്ചായത്ത് പരിധിയിലെ കടശിക്കടവിലാണ് സ്വകാര്യ വ്യക്തി പുറമ്പോക്ക് ഭൂമി കൈയേറുന്നതായി പരാതി ഉയർന്നിരിക്കുന്നത്. ഭൂമിയിൽ അനധികൃതമായി കെട്ടിടം നിർമ്മിക്കുന്നു എന്നാണ് ആരോപണം.അടുത്തിടെ ഇവിടെ സ്ഥലം വാങ്ങിയ ആള് കടമുറികള് പണിയുന്നതിന് പഞ്ചായത്തില് നിന്നും അനുമതി വാങ്ങിയിരുന്നു.
പട്ടയ സ്ഥലത്ത് കെട്ടിടം നിര്മിക്കാനാണ് പഞ്ചായത്ത് അനുമതി നല്കിയത്. എന്നാല് ഇതിനെ മറയാക്കി പട്ടയ ഭൂമിയോട് ചേര്ന്നു കിടക്കുന്ന പുറമ്പോക്ക് ഭൂമി കൈയേറാനാണ് ഇവര് ശ്രമം നടത്തുന്നത്. കയ്യേറ്റത്തിനെതിരെ കോടതിയെ സമീപിച്ചതായും പുറമ്പോക്ക് ഭൂമിയിലെ നിര്മാണം അനുവദിക്കില്ലെന്നും വണ്ടന്മേട് പഞ്ചായത്ത് മെമ്പര് രാജാമാട്ടുക്കാരന് പത്രസമ്മേളനത്തിൽ പറഞ്ഞു.