.jpeg)
പാർലമെന്റ് തിരഞ്ഞെടുപ്പിൽ ഇടുക്കി മണ്ഡലത്തിൽ അഡ്വ. ജോയ്സ് ജോർജ് എൽ.ഡി.എഫ് സ്ഥാനാർഥി ; പ്രഖ്യാപനം അടുത്ത ദിവസം
പാർലമെന്റ് തിരഞ്ഞെടുപ്പിൽ ഇടുക്കി മണ്ഡലത്തിലെ എൽ.ഡി.എഫ്. സ്ഥാനാർഥിയായി മുൻ എം.പി. അഡ്വ. ജോയ്സ് ജോർജിനെ സി.പി.എം. ജില്ലാ സെക്രട്ടേറിയറ്റ് ശുപാർശ ചെയ്തു. അദ്ദേഹത്തിന്റെ പേര് മാത്രമാണ് സംസ്ഥാന സെക്രട്ടേറിയറ്റിലേക്ക് ശുപാർശ ചെയ്തിരിക്കുന്നത്.2014-ലെ തിരഞ്ഞെടുപ്പിൽ സി.പി.എം. പിന്തുണയോടെ സ്വതന്ത്ര സ്ഥാനാർഥിയായി മത്സരിച്ച അദ്ദേഹം വിജയിച്ചിരുന്നു. അന്ന് കത്തിനിന്ന ഗാഡ്ഗിൽ-കസ്തൂരിരംഗൻ റിപ്പോർട്ടുകൾക്ക് എതിരായ പ്രതിഷേധങ്ങളിൽ ഹൈറേഞ്ച് സംരക്ഷണസമിതിക്കൊപ്പംനിന്ന ജോയ്സ് ജോർജ് സ്ഥാനാർഥിത്വത്തിലേക്ക് വരുകയായിരുന്നു.
.jpeg)
എന്നാൽ, 2019-ലെ തിരഞ്ഞെടുപ്പിൽ വീണ്ടും മത്സരിച്ചെങ്കിലും പരാജയപ്പെട്ടു. കോൺഗ്രസിന്റെ ഡീൻ കുര്യാക്കോസിനായിരുന്നു വിജയം. 2014-ൽ അദ്ദേഹത്തിന്റെ എതിരാളിയായിരുന്നു ഡീൻ.ജോയിസ് ജോർജിനെ സ്ഥാനാർഥിയാക്കിയാൽ ഇത്തവണ മണ്ഡലം തിരിച്ചുപിടിക്കാൻ കഴിയുമെന്ന കണക്കുകൂട്ടലിലാണ് സി.പി.എം.അതേസമയം, ജോയ്സ് ജോർജിനെ സ്ഥാനാർഥിയായി ശുപാർശ ചെയ്തവിവരം സി.പി.എം. ഔദ്യോഗികമായി സ്ഥിരീകരിച്ചിട്ടില്ല. ബുധനാഴ്ച ചേരുന്ന സി പി എം സംസ്ഥാന കമ്മറ്റിക്ക് ശേഷമാകും ഔദ്യോഗിക പ്രഖ്യാപനം.
