രാജകുമാരി ഗലീലാ കുന്ന് സെന്റ് ജോൺസ് യാക്കോബായ സുറിയാനി പള്ളിയുടെ 69-ാം വാർഷിക തിരുനാളും തിരുശേഷിപ്പ് വണക്കവും മോർ അന്തോണിയോസ് തിരുമേനിക്ക് സ്വീകരണവും നൽകി

രാജകുമാരി ഗലീലാ കുന്ന് സെന്റ് ജോൺസ് യാക്കോബായ സുറിയാനി പള്ളിയുടെ 69-ാം വാർഷിക പെരുന്നാളിനോടും പാത്രിയർക്കിസ് ബാവായുടെ ഓർമ്മപെരുന്നാളിനോടും അനുബന്ധിച്ചു തിരുശേഷിപ്പ് വണക്കവും മോർ അന്തോണിയോസ് തിരുമേനിക്ക് സ്വീകരണവും നൽകി. മൂന്നു ദിവസങ്ങളിലായി നടക്കുന്ന തിരുനാളിന് ഇടവക വികാരി ഫാ.എൽദോസ് പി എ പുളിയ്ക്കകുന്നേൽ കൊടിയേറ്റി. തിരുന്നാളിനോട് അനുബന്ധിച്ചു ഭക്തസംഘടനകളുടെ സംയുക്ത വാർഷിക ആഘോഷവും നടന്നു. പ്രധാന ദിനമായ ഇന്നലെ യാക്കോബ് മോർ അന്തോണിയോസ് തിരുമേനിയുടെ മുഖ്യ കാർമ്മികത്വത്തിൽ മോർ ഇഗ്നാത്തിയോസ് ഏലിയാസ് തൃതീയൻ പാത്രിയർക്കിസ് ബാവയുടെ തിരുശേഷിപ്പ് വണക്കവും പ്രദക്ഷിണവും നടന്നു. തിരുശേഷിപ്പ് വഹിച്ചുകൊണ്ട് രാജകുമാരി സൗത്ത് ബസോലിയോസ് ചാപ്പലിലേക്ക് പ്രദക്ഷിണവും ഉണ്ടായിരുന്നു. സമാപന ദിനമായ ഇന്ന് യാക്കോബ് മോർ അന്തോണിയോസ് തിരുമേനിയുടെ മുഖ്യ കാർമ്മികത്വത്തിൽ അഞ്ചിമേൽ കുർബാനയും സ്ലീബാ എഴുന്നുള്ളിപ്പും പ്രദക്ഷിണവും നടക്കും. നേർച്ച സദ്യയോട് കൂടി തിരുന്നാൾ മഹാമഹത്തിന് കൊടിയിറങ്ങും. ഇടവക വികാരി ഫാ.എൽദോസ് പി എ പുളിയ്ക്കകുന്നേൽ ,സഹവികാരി എൽദോസ് പോൾ പുൽപ്പറമ്പിൽ ട്രസ്റ്റിമാരായ ജോർജ് സി പി ചവറ്റുകുഴിയിൽ,കുര്യൻ മാത്യു തോമ്പിക്കാട്ട് മാനേജിംഗ്‌ കമ്മറ്റി അംഗങ്ങൾ എന്നിവർ നേതൃത്വം നൽകി.