രാജാക്കാട് കരുണാ ഭവനിലെ അമ്മമാർക്കും കുഞ്ഞുങ്ങൾക്കും സാന്ത്വനമായി രാജാക്കാട് റോട്ടറി ക്ലബ്ബ്

രാജാക്കാട് കേന്ദ്രമായി പ്രവർത്തിച്ചു വരുന്ന റോട്ടറി ക്ലബ്, ജീവകാരുണ്യ പ്രവർത്തങ്ങളിൽ സജീവമായി നിലകൊള്ളുന്ന സംഘടനയാണ്. നിരവധി സന്നദ്ധസേവന പ്രവർത്തങ്ങൾ നടത്തുന്ന രാജാക്കാട് റോട്ടറി ക്ലബ് പുതുവർഷ സമ്മാനവുമായിട്ടാണ് രാജാക്കാട് കരുണാ ഭവനിൽ എത്തിച്ചേർന്നത് . കാരുണ്യ സ്‌പർശം എന്ന പേരിൽ കരുണാ ഭവനിലെ അന്തേവാസികൾക്ക് വസ്ത്രങ്ങൾ എത്തിച്ചു നൽകിയാണ് പുതുവർഷത്തിൽ റോട്ടറി ക്ലബ് ജീവകാരുണ്യ പദ്ധതികൾക്ക് തുടക്കം കുറിച്ചിരിക്കുന്നത്. കരുണാ ഭവനിൽ നടന്ന വസ്ത്ര വിതരണ ഉത്‌ഘാടനം റോട്ടറി ക്ലബ് പ്രസിഡന്റ് സി ആർ ഷാജി നിർവ്വഹിച്ചു. കരുണാ ഭവന്റെ പ്രവർത്തനത്തിന് ഒരു കൈത്താങ്ങായിട്ടാണ് റോട്ടറി ക്ലബ് എത്തിയതെന്നും തുടർന്നും സഹായങ്ങൾ നൽകുമെന്നും ക്ലബ് പ്രസിഡന്റ് സി ആർ ഷാജി പറഞ്ഞു. ചടങ്ങിൽ കരുണാഭവൻ ട്രസ്റ്റിമാരായ ട്രീസാ, തങ്കച്ചൻ എന്നിവരെ റോട്ടറി ക്ലബ്ബിന്റെ നേതൃത്വത്തിൽ ആദരിച്ചു.വ്യാപാരി വ്യവസായി ഏകോപന സമിതി രാജാക്കാട് യുണിറ്റ് പ്രസിഡന്റും റോട്ടറി ക്ലബ് അംഗവുമായ വി എസ് ബിജു മുഖ്യ പ്രഭാക്ഷണം നടത്തി.ക്ലബ് സെക്രട്ടറി അരുൺപ്രസാദ്‌,ബിജു കഴുപ്പിൽ, നോബി റ്റി ബേബി, മനോജ് ഫിലിപ്പ് തുടങ്ങിയവർ നേതൃത്വം നൽകി.കരുണ ഭവൻ ട്രസ്റ്റി ട്രീസാ തങ്കച്ചൻ പുതുവത്സര സമ്മാനങ്ങൾക്കുള്ള നന്ദി അറിയിച്ചു.