.jpg)
.jpg)
.jpg)
അച്ഛൻ ഓടിച്ച ഓട്ടോറിക്ഷ മറിഞ്ഞ് മകൻ മരിച്ചു
ഇടുക്കി: അച്ഛൻ ഓടിച്ച ഓട്ടോറിക്ഷ മറിഞ്ഞ് മകൻ മരിച്ചു. ഓട്ടോ ഡ്രൈവർ ഉടുമ്പന്നൂർ പനച്ചിക്കൽ സുനീറിന്റെ മകൻ മുഹമ്മദ് ഷഫ്ഹാൻ(10) ആണ് മരിച്ചത്. തിങ്കളാഴ്ച രാത്രി ഒമ്പതോടെ ഉടുമ്പന്നൂർ തൃക്കയിൽ ക്ഷേത്രത്തിനുസമീപമായിരുന്നു അപകടം. റോഡിന് കുറുകെ കടന്ന കുട്ടിയെ ഇടിക്കാതിരിക്കാൻ ഓട്ടോറിക്ഷ വെട്ടിച്ചപ്പോൾ നിയന്ത്രണംവിട്ട് മറിയുകയായിരുന്നു. സമീപത്തെ ഹോട്ടലിൽ നിന്ന് ഭക്ഷണം കഴിച്ചിറങ്ങിയ സംഘത്തിലെ കുട്ടിയാണ് പെട്ടെന്ന് റോഡിനുകുറുകെ വന്നത്.ഈ കുട്ടിയുടെ ദേഹത്ത് തട്ടിയ ഓട്ടോറിക്ഷ റോഡിൽ വട്ടംമറിഞ്ഞു.
വാഹനത്തിന്റെ അടിയിൽപ്പെട്ട മുഹമ്മദ് ഷഫ്ഹാനെ ഉടൻതന്നെ മുതലക്കോടത്തെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഓട്ടോ ഓടിച്ചിരുന്ന സുനീറിനും വാഹനം തട്ടിയ കുട്ടിക്കും പരിക്കുണ്ട്. ഇവരെ സ്വകാര്യ ആശുപത്രിയിൽ പ്രവേശിപ്പിച്ചു. ഉടുമ്പന്നൂർ പാറേക്കവല എൽപി സ്കൂൾ വിദ്യാർഥിയാണ്. മൃതദേഹം സ്കൂളിൽ പൊതുദർശനത്തിനു ശേഷം കബറടക്കം നടത്തി.
