കട്ടപ്പന നഗരസഭ കേരളോത്സവം 20,21,24 തീയതികളിൽ നടക്കുമെന്ന് ചെയർപേഴ്സൺ ഷൈനി സണ്ണി ചെറിയാൻ
കട്ടപ്പന നഗരസഭ കേരളോത്സവം 20, 21, 24 തീയതികളിൽ നടക്കും. 20 ന് കലാമത്സരങ്ങൾ നഗരസഭ ഹാളിലും, 21 ന് ഗെയിംസ് ഇനങ്ങൾ നടക്കും.ക്രിക്കറ്റ് നഗരസഭ സ്റ്റേഡിയത്തിലും , ഫുട്ബോൾ സെന്റ് ജോർജ് സ്കൂൾ ഗ്രൗണ്ടിലും ,വോളിബോൾ വെള്ളയാംകുടി യുവ ക്ലബ്ബ് ഗ്രൗണ്ടിലും, ബാഡ്മിന്റൺ യൂത്ത് യുണൈറ്റഡ് കോർട്ടിലും നടക്കും .24 ന് കായിക മത്സരങ്ങൾ സെന്റ് ജോർജ് ഗ്രൗണ്ടിൽ നടക്കും. മത്സരങ്ങളുടെ വിജയകരമായ നടത്തിപ്പിനുള്ള സ്വാഗത സംഘ രൂപീകരണയോഗം നഗരസഭയിൽ നടന്നു. നഗരസഭ പരിധിയിലെ സ്ഥിരതാമസക്കാരായ 15നും 40 നും ഇടയിൽ പ്രായമുള്ളവർക്ക് മത്സരങ്ങളിൽ പങ്കെടുക്കാം. രജിസ്ട്രേഷനുള്ള അവസാന സമയം പതിനെട്ടാം തീയതി വൈകിട്ട് 5 മണി വരെയാണ് .കൂടുതൽ വിവരങ്ങൾക്ക് നഗരസഭ ഫ്രണ്ട് ഓഫീസിൽ ലഭിക്കുമെന്നും ചെയർപേഴ്സൺ ഷൈനി സണ്ണി ചെറിയാൻ, വൈസ് ചെയർമാൻ ജോയ് ആനിത്തോട്ടം, വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ഐബിമോൾ രാജൻ എന്നിവർ അറിയിച്ചു.
.jpeg)
