.jpg)
ഗവണ്മെന്റ് അംഗീകൃത കമ്പ്യൂട്ടര് കോഴ്സുകള്
സ്റ്റേറ്റ് റിസോഴ്സ് സെന്ററിനു കീഴില് പ്രവര്ത്തിക്കുന്ന എസ്.ആര്.സി കമ്മ്യൂണിറ്റി കോളേജ് 2026 ജനുവരി സെഷനില് ആരംഭിക്കുന്ന ഗവണ്മെന്റ് അംഗീകൃത ഡിപ്ലോമ ഇന് കമ്പ്യൂട്ടര് ആപ്ലിക്കേഷന്, സര്ട്ടിഫിക്കറ്റ് ഇന് വേഡ് പ്രോസസിംഗ്, സര്ട്ടിഫിക്കറ്റ് ഇന് ഡേറ്റാ എന്ട്രി ഓപ്പറേറ്റര്, സര്ട്ടിഫിക്കറ്റ് ഇന് ഡെസ്ക് ടോപ്പ് പബ്ലിഷിംഗ്, സര്ട്ടിഫിക്കറ്റ് ഇന് ഫിനാന്ഷ്യല് അക്കൗണ്ടിംഗ് എന്നീ കോഴ്സുകള്ക്ക് ഓണ്ലൈനായി അപേക്ഷിക്കാം.
ഡിപ്ലോമ പ്രോഗ്രാമിന് ആറുമാസവും, സര്ട്ടിഫിക്കറ്റ് പ്രോഗ്രാമിന് മൂന്നു മാസവുമാണ് കാലാവധി. കോണ്ടാക്ട് ക്ലാസുകളും പ്രോജക്ട് വര്ക്കും പഠനപരിപാടിയുടെ ഭാഗമായി ഉണ്ടായിരിക്കും. 18 വയസിന് മേല് പ്രായമുള്ള ആര്ക്കും അപേക്ഷിക്കാം. ഉയര്ന്ന പ്രായപരിധി ഇല്ല. https://app.scccc.in/register എന്ന ലിങ്കിലൂടെ ആപ്ലിക്കേഷന് ഓണ്ലൈനായി സമര്പ്പിക്കാം. വിശദവിവരങ്ങള് www.srccc.in എന്ന വെബ്സൈറ്റില് ലഭ്യമാണ്. അപേക്ഷ സ്വീകരിക്കുന്ന അവസാന തീയതി: ഡിസംബര് 31. ഇടുക്കി ജില്ലയിലെ പഠനകേന്ദ്രങ്ങള്: വില്ലേജ് നോളഡ്ജ് സെന്റര്, അടിമാലി, ഇടുക്കി. ഫോണ്: 8921300525
.jpeg)
