മൂന്നാർ-ബോഡിമെട്ട് ദേശീയപാത ഉദ്ഘാടനം ആഗസ്റ്റ് 17ന്

മൂന്നാ​ർ▪️ കൊ​ച്ചി -ധ​നു​ഷ്‌​കോ​ടി ദേ​ശീ​യ​പാ​ത 85ന്റെ ​ഭാ​ഗ​മാ​യി വീ​തി​കൂ​ട്ടി ന​വീ​ക​ര​ണം പൂ​ർ​ത്തി​യാ​ക്കി​യ മൂ​ന്നാ​ർ-​ബോ​ഡി​മെ​ട്ട് റോ​ഡിന്റെ ഉ​ദ്​​ഘാ​ട​നം ആ​ഗ​സ്റ്റ്​ 17ന് ​ന​ട​ക്കും. മൂ​ന്നാ​റി​ൽ ന​ട​ക്കു​ന്ന ച​ട​ങ്ങി​ൽ കേ​ന്ദ്ര ഉ​പ​രി​ത​ല ഗ​താ​ഗ​ത മ​ന്ത്രി നി​തി​ൻ ഗ​ഡ്ക​രി​യാ​ണ് ഉ​ദ്ഘാ​ട​നം ചെ​യ്യു​ക.  42 കി​ലോ​മീ​റ്റ​ർ ദൂ​ര​മു​ള്ള ഈ ​റീ​ച്ചി​ന്റെ ന​വീ​ക​ര​ണം 2017 ലാ​ണ് ആ​രം​ഭി​ച്ച​ത്. 381.76 കോ​ടി​യാ​ണ് ചെ​ല​വി​ട്ട​ത്. ര​ണ്ടു വ​ർ​ഷ​മാ​യി​രു​ന്നു നി​ർ​മാ​ണ​ക്ക​രാ​റെ​ങ്കി​ലും ആ​റു വ​ർ​ഷ​മെ​ടു​ത്താ​ണ്​ പൂ​ർ​ത്തി​യാ​യ​ത്.

ചി​ന്ന​ക്ക​നാ​ലി​ൽ​നി​ന്ന്​ അ​രി​ക്കൊ​മ്പ​നെ മ​യ​ക്കു​വെ​ടി വെ​ച്ച് ലോ​റി​യി​ൽ തേ​ക്ക​ടി​യി​ലേ​ക്ക് കൊ​ണ്ടു​പോ​കു​ന്ന​തി​ന്റെ വി​വി​ധ ദൃ​ശ്യ​ങ്ങ​ളി​ലൂ​ടെ​യാ​ണ് ഈ ​പാ​ത​യു​ടെ മ​നോ​ഹാ​രി​ത ച​ർ​ച്ച​യാ​യ​ത്. 70 ശ​ത​മാ​ന​വും തേ​യി​ല​ത്തോ​ട്ട​ങ്ങ​ളി​ലൂ​ടെ​യാ​ണ് ഇ​ത് ക​ട​ന്നു​പോ​കു​ന്ന​ത്. ഇ​ട​ക്കി​ടെ​യു​ള്ള മ​നോ​ഹ​ര​കാ​ഴ്ച​ക​ൾ യാ​ത്ര​ക്കാ​രെ ഏ​റെ ആ​ക​ർ​ഷി​ക്കു​ന്നു. ഗ്യാ​പ് റോ​ഡ്, പ​വ​ർ​ഹൗ​സ് വെ​ള്ള​ച്ചാ​ട്ടം, ആ​ന​യി​റ​ങ്ങ​ൽ ജ​ലാ​ശ​യം, വി​വി​ധ വ്യൂ​പോ​യ​ന്റു​ക​ൾ എ​ന്നി​വ​യെ​ല്ലാം ഈ ​പാ​ത​യു​ടെ മ​നോ​ഹ​രി​ത​യു​ടെ മാ​റ്റു​കൂ​ട്ടു​ന്നു. പേ​ര് ദേ​ശീ​യ​പാ​ത എ​ന്നാ​യി​രു​ന്നെ​ങ്കി​ലും നാ​ല് മീ​റ്റ​ർ മാ​ത്ര​മാ​യി​രു​ന്നു ഈ ​റോ​ഡി​ന്റെ വീ​തി. ഒ​രു വ​ശം അ​ഗാ​ധ​മാ​യ കൊ​ക്ക​യും മ​റു​വ​ശം ചെ​ങ്കു​ത്താ​യ മ​ല​യു​മു​ള്ള ദേ​വി​കു​ളം ഗ്യാ​പ് ഭാ​ഗ​മാ​യി​രു​ന്നു ഏ​റ്റ​വും അ​പ​ക​ടം നി​റ​ഞ്ഞ ഭാ​ഗം. ന​വീ​ക​ര​ണം പൂ​ർ​ത്തി​യാ​യ​തോ​ടെ 15 മീ​റ്റ​ർ വീ​തി​യാ​യി. ഇ​ടു​ക്കി ജി​ല്ല​യി​ലെ ആ​ദ്യ​ത്തെ ടോ​ൾ​പ്ലാ​സ​യും ഈ ​പാ​ത​യി​ലാ​ണ്. ദേ​വി​കു​ള​ത്തി​നും ലോ​ക്ഹാ​ർ​ട്ടി​നും ഇ​ട​ക്ക്​ ടോ​ൾ പ്ലാ​സ പ്ര​വ​ർ​ത്ത​ന സ​ജ്ജ​മാ​യി​ക്ക​ഴി​ഞ്ഞു. മൂ​ന്നാ​റി​ന്റെ വി​നോ​ദ​സ​ഞ്ചാ​ര സാ​ധ്യ​ത​ക​ൾ​ക്ക് ഏ​റെ ക​രു​ത്ത് പ​ക​രു​ന്ന​താ​ണ് ന​വീ​ക​ര​ണം ക​ഴി​ഞ്ഞ ഈ ​പാ​ത.