.jpeg)
നെടുങ്കണ്ടത്ത് ബാറില്‍ സംഘര്‍ഷം;യുവാവിനെ കഴുത്തറുത്ത് കൊലപ്പെടുത്താന്‍ ശ്രമിച്ചു
നെടുങ്കണ്ടം കല്‍ക്കൂന്തല്‍ നടുവത്താനിയില്‍ റോബിന്‍സിനാണ് പരുക്കേറ്റത്.ആക്രമണം നടത്തിയ കോട്ടയം സ്വദേശി ഉണ്ണികൃഷ്ണനെ നെടുങ്കണ്ടം പോലീസ് കസ്റ്റഡിയിലെടുത്തു. നെടുങ്കണ്ടം പടിഞ്ഞാറേക്കവലയില്‍ പ്രവര്‍ത്തിക്കുന്ന ബാറില്‍ വച്ച് വൈകുന്നേരം ആറോടെയാണ് സംഭവം നടന്നത്. രാവിലെ മുതല്‍ ഇരുവരും മദ്യപിച്ചിരുന്നു. വൈകുന്നേരത്തോടെ ചെറിയതോതില്‍ വാക്കേറ്റമുണ്ടാകുകയും ഉണ്ണികൃഷ്ണന്‍ കയ്യില്‍ കരുതിയിരുന്ന ചെറിയ കത്തി ഉപയോഗിച്ച് റോബിന്‍സിന്റെ കഴുത്തില്‍ വെട്ടുകയുമായിരുന്നു.
.jpeg)
കഴുത്തില്‍ മൂന്നോളം വെട്ടുകള്‍ ഏറ്റിട്ടുണ്ട്. ഉടന്‍തന്നെ റോബിന്‍സിനെ നെടുംകണ്ടത്തെ സ്വകാര്യ ആശുപത്രിയില്‍ പ്രവേശിപ്പിച്ചു.പരുക്ക് ഗുരുതരമായതിനാൽ പിന്നീട് കട്ടപ്പനയിലെ സ്വകാര്യ ആശുപത്രിയിലേക്ക് മാറ്റി. ബാര്‍ അധികൃതര്‍ അറിയിച്ചതനുസരിച്ച് പോലീസ് സ്ഥലത്തെത്തിയപ്പോള്‍ ഉണ്ണികൃഷ്ണന്‍ ഓടി രക്ഷപെടാന്‍ ശ്രമിച്ചു. പിന്തുടര്‍ന്നെത്തിയ പോലീസ് സെന്‍ട്രല്‍ ജംഗ്ഷനില്‍ വച്ച് പ്രതിയെ പിടികൂടുകയായിരുന്നു.
