2 കിലോ ഗ്രാം കഞ്ചാവുമായി രാജാക്കാട് സ്വദേശിയായ യുവാവിനെ അടിമാലി നാർക്കോട്ടിക് എൻഫോഴ്‌സ്‌മെന്റ് സ്‌ക്വാഡ് സർക്കിൾ ഇൻസ്‌പെക്ടർ മനൂപ് വിപിയുടെ നേതൃത്വത്തിൽ അറസ്റ്റ് ചെയ്തു .രാജാക്കാട് ചെരുപ്പുറം കോളനിയിൽ മുരുകേശ്വരി വിലാസത്തിൽ ശരവണൻ മകൻ അഭിനന്ദ് ആണ് എക്‌സൈസിന്റെ പിടിയിലായത്. ഏക്സൈസ് NDPS സ്പെഷ്യൽ ഡ്രൈവിന്റെ ഭാഗമായി നടന്ന അന്വേഷണത്തിലാണ് യുവാവിനെ പിടികൂടിയത്.

പെരുമ്പാവൂരിൽ അന്യസംസ്ഥാന തൊഴിലാളികൾ എത്തിച്ചു നൽകുന്ന കഞ്ചാവ് വാങ്ങി രാജാക്കാട് ഭാഗങ്ങളിൽ ചില്ലറ വിൽപ്പന നടത്തുന്നതിനായി കൊണ്ട് വന്ന കഞ്ചാവ് ആണ് പിടികൂടിയത്. പെരുമ്പാവൂരിൽ നിന്ന് രാജാക്കാട് പോകുന്ന വഴിയിൽ ഇരുമ്പ് പാലത്തിന് സമീപം വെച്ചാണ് പ്രതി അറസ്റ്റിലായത്.

കഞ്ചാവ് കടത്തികൊണ്ട് വരാനായിട്ട് ഉപയോഗിച്ച സ്കൂട്ടറും പിടിച്ചെടുത്തിട്ടുണ്ട്. കുറച്ച് നാളുകളായി പ്രതി നർകോട്ടിക് സ്‌ക്വാഡിന്റെ നിരീക്ഷണത്തിലായിരുന്നു. ഏകസൈസ് സർക്കിൾ ഇൻസ്‌പെക്ടർ മനൂപ് വി പി,അസിസ്റ്റന്റ് എക്സൈസ് ഇൻസ്‌പെക്ടർ ഗ്രേഡ്മാരായ അഷ്‌റഫ്‌ കെ എം, ദിലീപ് എൻ കെ,പ്രൈവന്റീവ് ഓഫീസർ ബിജു മാത്യു, സിവിൽ എക്സൈസ് ഓഫീസർ മാരായ അബ്ദുൽ ലത്തീഫ്, മുഹമ്മദ്‌ ഷാൻ,ബിബിൻ ജെയിംസ്, സുബിൻ പി വർഗ്ഗീസ്, സിവിൽ എക്സൈസ് ഓഫീസർ ഡ്രൈവർ നിധിൻ ജോണി എന്നിവരും അന്വേഷണ സംഘത്തിൽ ഉണ്ടായിരുന്നു.