പ​രു​ന്തും​പാ​റ​യി​ലെ കൈ​യേ​റ്റ ഭൂ​മി​യിൽ നിർമ്മിച്ച കുരിശ് റവന്യൂ സംഘം പൊളിച്ച് നീക്കുന്നു. ജില്ലാ ക​ല​ക്ട​ർ സ്​​റ്റോ​പ്​ മെ​മ്മോ ന​ൽ​കി​യ സ്ഥ​ല​ത്താണ് ച​ങ്ങ​നാ​ശ്ശേ​രി തൃ​ക്കൊ​ടി​ത്താ​നം സ്വ​ദേ​ശി കൊ​ട്ടാ​ര​ത്തി​ൽ സ​ജി​ത്ത് ജോ​സ​ഫ് കു​രി​ശ് പ​ണി​ത​ത്. ക​ല​ക്ട​ർ സ്​​റ്റോ​പ്​ മെ​മ്മോ ന​ൽ​കാ​ൻ നി​ർ​ദേ​ശി​ച്ച​തി​നു​ ശേ​ഷ​മാ​ണ്​ കു​രി​ശി​ന്‍റെ പ​ണി​ക​ൾ പൂ​ർ​ത്തി​യാ​ക്കി​യ​ത്.ഇത് വിവാദമായതിനെ തുടർന്നാണ് കുരിശ് പൊളിച്ച് നീക്കാൻ നടപടികൾ തുടങ്ങിയതും.

 പരുന്തും പാറയിലെ കയ്യേറ്റങ്ങൾ പരിശോധിക്കാൻ 15 അംഗ സംഘത്തേയും റവന്യു മന്ത്രി നിയോഗിച്ചു.3.31 ഏ​ക്ക​ർ സ​ർ​ക്കാ​ർ​ഭൂ​മി കൈ​യേ​റി തൃ​ക്കൊ​ടി​ത്താ​നം സ്വ​ദേ​ശി സ​ജി​ത്ത് ജോ​സ​ഫ് വ​ൻ​കി​ട റി​സോ​ർ​ട്ട് നി​ർ​മി​ച്ച​താ​യി ഹൈ​കോ​ട​തി നി​യോ​ഗി​ച്ച പ്ര​ത്യേ​ക അ​ന്വേ​ഷ​ണ​സം​ഘം ക​ണ്ടെ​ത്തി​യി​രു​ന്നു. ഈ ​മാ​സം ര​ണ്ടി​ന്​ പ​രു​ന്തും​പാ​റ​യി​ൽ കൈ​യേ​റ്റ ഭൂ​മി​യി​ലെ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ​ക്ക് സ്​​റ്റോ​പ്​ മെ​മ്മോ ന​ൽ​കാ​ൻ ജി​ല്ല ക​ല​ക്ട​ർ പീ​രു​മേ​ട് എ​ൽ.​ആ​ർ ത​ഹ​സി​ൽ​ദാ​റെ ചു​മ​ത​ല​പ്പെ​ടു​ത്തി.

 ഒ​പ്പം കൈ​യേ​റ്റ ഭൂ​മി​യി​ൽ പ​ണി​ക​ൾ ന​ട​ത്തു​ന്നി​ല്ലെ​ന്ന് ഉ​റ​പ്പ് വ​രു​ത്താ​നും നി​ർ​ദേ​ശി​ച്ചു. സ​ജി​ത് ജോ​സ​ഫി​ന് സ്​​റ്റോ​പ്​ മെ​മ്മോ ന​ൽ​കു​ക​യും​ചെ​യ്തിരുന്നു. എ​ന്നാ​ൽ, ഇ​ത് അവ​ഗ​ണി​ച്ച് കു​രി​ശി​ന്‍റെ പ​ണി​ക​ൾ വെ​ള്ളി​യാ​ഴ്ച​ പൂ​ർ​ത്തി​യാ​ക്കി. ഇക്കാര്യം അറിഞ്ഞില്ലെന്നായിരുന്നു ഉദ്യോഗസ്ഥരുടെ പ്രതികരണം. കയ്യേറ്റത്തെ തുടർന്ന് പരുന്തുംപാറയിൽ ജില്ലാകളക്ടർ നിരോധനാജ്ഞ പ്രഖ്യാപിച്ചിരുന്നു. ഇത് അവഗണിച്ചായിരുന്നു കുരിശ് നിർമ്മാണം.